"1962-1979 جىلدارداعى قىرعي-قاباق سوعىس كەزىندە يادرولىق شابۋىلدار ءۇش كۇننىڭ ىشىندە 335 ميلليون ادامنىڭ ءومىرىن قياتىن ەدى" دەلىنگەن اقش-تىڭ "جوعارعى قۇپيا" اسكەري قۇجاتىندا. بۇل تۋرالى France24news حابارلادى.
"SIOP-62" دەپ اتالاتىن قۇجاتتا نەمەسە "ءبىرىڭعاي ينتەگراسيالانعان جۇمىس جوسپارىندا" اقش-تىڭ 1961 جىلى بەرلين داعدارىسى كەزىندە يادرولىق سوعىس جاعدايىندا نە ىستەيتىنى ايتىلعان.
بۇل داعدارىس گەرمانيانىڭ استاناسى بەرلين مارتەبەسىنە قاتىستى كەڭەس وداعى مەن اقش اراسىنداعى قايشىلىق كەزىندە بولعان.
"SIOP-62" قۇجاتىندا مۇنداي قايشىلىق قايتالانسا نە بولاتىنى كورسەتىلگەن. سونداي-اق كەڭەس وداعىنا، قىتايعا جانە باسقا ەلدەرگە قۇراما شتاتتار تولىققاندى يادرولىق شابۋىل جاساسا نە بولاتىنى بولجانعان. قۇجاتتىڭ مەملەكەتتىك مۇددەلەر جونىندەگى امەريكالىق جۋرنالدىڭ حالىقارالىق ساراپتاماسىنا سايكەس، يادرولىق شابۋىلدان 335 ميلليون ادام قايتىس بولادى.
قۇجات اقش-تىڭ شابۋىلىن ەكى تۇرگە بولگەن. بىرەۋى – "دابىل كۇشتەرى". ول بويىنشا، كەيبىر يادرولىق قارۋلار ارقىلى كەڭەس وداعى مەن ونىڭ وداقتاستارىنا سوققى بەرۋ جوسپارلانعان. ەكىنشىسى، "تولىق كۇش" دەپ اتالعان. بۇل تۇردەگى شابۋىلدا امەريكا بارلىق يادرولىق ارسەنالدارىن قولدانباق بولعان.
"SIOP قۇجاتى" بويىنشا، "دابىل كۇشتەرى" دەپ اتالاتىن سوققى بەرۋ جوسپارىنا سايكەس، كەڭەس وداعىنىڭ 199 قالاسى يادرولىق زارداپتىڭ اسەرىنە ۇشىرايدى جانە باسقا قالالاردى دا "ولىمگە" اكەلەدى. سالدارىنان بۇكىل قوعامنىڭ قۇلاۋىن تۋدىرادى.
جۇڭگو ءۇشىن "دابىل كۇشتەرىنىڭ" شابۋىلى 49 قالاعا اسەر ەتۋى مۇمكىن.
"ال، شىعىس ەۋروپادا تەك اسكەري نىساندارعا سوققى بەرىلەدى، دەگەنمەن، ۆاشينگتوننىڭ شابۋىلدارىنان 1 ملن 378 مىڭ ادام كوز جۇمۋى ىقتيمال ەدى" دەيدى باسىلىم.
الايدا ساندار تولىق شابۋىل سەنارييىندە ايتارلىقتاي وزگەرەدى. قۇجاتقا سايكەس، تولىق كۇش شابۋىلى 295 قالاعا اسەر ەتۋى مۇمكىن.
بۇل 108 ميلليون ادامنىڭ ءومىرىن قيىپ، شىعىس ەۋروپاداعى قۇربان بولعانداردىڭ سانى ءتورت ميلليوننان اسادى.
بەيجىڭ مۇنداي اقپاراتتاردى جوققا شىعارعانىمەن، ءبىراز ۋاقىتتان بەرى شيەلەنىستەر جالعاسىپ كەلەدى.
جۇڭگو سونداي-اق كوروناۆيرۋستىق پاندەميامەن كۇرەسۋ تۋرالى سىنعا ۇشىراۋدا. سىنشىلار ەلدى اشىقتىق جوقتىعىن ايتىپ ايىپتايدى، كەيبىرەۋلەر "بەيجىڭ وتەماقى ءۇشىن جاۋاپ بەرۋى كەرەك" دەگەن پىكىردە.
ال "ۋولل-ستريت دجورنەل" ساۋىردە "جۇڭگو ورتالىق ازياعا جاقىن ماڭدا يادرولىق سىناق جاساعان بولۋى مۇمكىن" دەپ مالىمدەگەن.
پىكىر قالدىرۋ