ىشكى ىستەر ءمينيسترى ەرلان تۇرعىمبايەۆ ساتپايەۆتا "بەس جاسار قىزدى زورلادى" دەگەن كۇدىكپەن ەر ادامنىڭ قاماۋعا الىنعانىن مالىمدەدى.

– 23 شىلدەدە كەشكى ساعات 9-دا ساتبايەۆ قالاسىنداعى ىشكى ىستەر باسقارماسىنا 5 جاسار قىزدىڭ جوعالعانى تۋرالى ارىز ءتۇستى. جەدەل ىزدەستىرۋ ناتيجەسىندە ءبۇلدىرشى قالاداعى ءبىر ۇيدەن تابىلدى. جاس قىزدى زورلادى دەگەن كۇدىكپەن ءبىر ادام قاماۋعا الىندى، – دەدى ول.

ءمينيستردىڭ ايتۋىنشا تۇرعىندار كۇدىكتىنى وزدەرى جازالالاۋدى تالاپ ەتكەن.

– ءبىراق بىرنەشە ادام كۇدىكتىنى ءوز قولدارىنا بەرۋدى تالاپ ەتىپ، جانجال شىعاردى. ولار بۇزاقىلىق جاساپ، پوليسەيلەرگە قارسىلىق تانىتتى. تارتىپسىزدىككە جول بەرمەۋ ءۇشىن قوسىمشا پوليسيا كۇشتەرى تارتىلدى، جاعداي باقىلاۋعا الىندى. بۇل جاعداي بويىنشا بىرنەشە باپپەن قىلمىستىق ءىس تىركەلدى، تەرگەۋ امالدارى جالعاسىپ جاتىر. ەلدەگى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ ءۇشىن پوليسەيلەر بار كۇشىن جۇمسايدى، – دەدى ەرلان تۇرعىمبايەۆ.

ىشكى ىستەر ءمينيسترى ءسوز سوڭىندا الەۋمەتتىك جەلى ارقىلى تاراپ جاتقان جالعان اقپاراتتارعا سەنبەۋگە شاقىردى.