شورناق اۋىلىنداعى تارتىپسىزدىككە بايلانىستى ادامداردى زاڭعا قارسى ارەكەتتەرگە شاقىرعان 4 ادام ۇستالدى. بۇل تۋرالى تۇركىستان وبلىسى اكىمىنىڭ ورىنباسارى ساكەن قالقامانوۆ حابارلادى.
– كەشە ءومىرزاق شوكەيەۆ شورناق تۇرعىندارىنا ۋادە ەتكەندەي، پوليسيا الەۋمەتتىك جەلىلەردە، مەسسەندجەرلەردە ادامداردى زاڭعا قارسى ارەكەتتەرگە شاقىرعان التى "ارانداتۋشىنىڭ" تورتەۋىن تاپتى. ەندى قالعان "ارانداتۋشىلاردى" انىقتاۋ جانە ىزدەۋ جۇمىستارى جالعاسىپ جاتىر، – دەپ جازدى الەۋمەتتىك جەلىدە.
بۇعان دەيىن 21 شىلدەدە ساعات تۇنگى 01.00 شاماسىندا شورناق اۋىلىندا اۋىل تۇرعىندارىنىڭ اراسىندا توبەلەس بولعانى حابارلانعان. وسى وقيعادان سوڭ وزگە اۋىلداردان كەلگەن 80 ادامنىڭ ۇستالعانى انىقتالعان بولاتىن.
پىكىر قالدىرۋ