الماتىدا Covid-19 بويىنشا «قوعامدىق باقىلاۋ» ۇيىمى ءوز جۇمىسىن باستادى. بۇل تۋرالى  قوعامدىق باقىلاۋ توبىنىڭ ۇيلەستىرۋشىسى سايدا تاۋەكەليەۆا ايتتى.

«قوعامدىق باقىلاۋ توبى قۇرىلدى. دەنساۋلىق ساقتاۋ مينيسترلىگى بىزبەن بىرگە جۇمىس جاساۋعا بەكىندى. بارلىق ايماقتاردا ۇيلەستىرۋشىلەرىمىز بار. ءبىز گۋمانيتارلىق كومەكتىڭ ءبولىنۋى، ءدارىحانالار مەن اۋراحانالاردىڭ احۋالى، شەكتەۋ شارالارىن بۇزۋ ماسەلەلەرىن باقىلايمىز. جاقىن ارادا ۇيىم قۇقىقتىق مارتەبەسىن الىپ، مۇشەلەرىمىزگە كۋالىك قۇجاتتارى بەرىلەدى. ءبىز بارلىق ماسەلەگە وبەكتيۆتى كوزقاراسپەن قارايمىز»، - دەدى قوعامدىق باقىلاۋ توبىنىڭ ۇيلەستىرۋشىسى سايدا تاۋەكەليەۆا.

قوعامدىق باقىلاۋ توبى قۇرامىنا قوعام بەلسەندىلەرى، ەرىكتىلەر، سىبايلاس جەمقورلىققا قارسى كۇرەس قىزمەتى مەن ب ا ق وكىلدەرى ەندى.

گۋمانيتارلىق جۇكتىڭ ءبولىنۋىن باقىلايتىن توپ «سق «فارماسيا» قويمالارىن ارالادى. ول جەردە قىتايدان كەلگەن گۋمانيتارلىق جۇك بولىنگەن بولاتىن. بۇل باقىلاۋ توبى الەۋمەتتىك جەلى ارقىلى كاتاردان، رەسەي مەن قىتايدان كەلگەن گۋمانيتارلىق جۇكتىڭ اۋرۋحانالارعا قالاي ۇلەستىرىلىپ جاتقانىن جاريالادى. سۋرەتتەر مەن ۆيدەونى الەۋمەتتىك جەلىدەن كورۋگە بولادى.

ەسكە سالا كەتەيىك، ءبىز بۇعان دەيىن قىزىلورداعا قىتايدان 34 مىڭ ماسكا جانە 8 مىڭ قولعاپ جەتكىزىلگەنىن جازعان بولاتىنبىز. ال 14 شىلدەدە پاۆلودار وبلىسىنا كاتاردان جەكە قورعانىس زاتتارىنان قۇرالعان گۋمانيتارلىق جۇك كەلىپ تۇسكەن .

11 شىلدەدە ق ر دسم باسشىسى الەكسەي سوي ەلدە مەديسينالىق ۇيىمداردىڭ جۇمىسىن باقىلايتىن تاۋەلسىز ۇيىم قۇرىلاتىنىن ايتقان بولاتىن. ق ر اقپارات جانە قوعامدىق دامۋ ءمينيسترى ايدا بالايەۆانىڭ تاپسىرماسىمەن «قوعامدىق باقىلاۋ» اكسياسىنا قازاقپارات حاا اقپاراتتىق قولداۋ كورسەتەدى.