الماتىداعى تاۋلى-ورماندى جەرلەردە 100-دەن استام ءورت شىعۋ مۇمكىندىگىنىڭ جولى كەسىلدى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين بريفينگ بارىسىندا الماتى قالاسىنىڭ توتەنشە جاعدايلار دەپارتامەنتى باسشىسىنىڭ ورىنباسارى، ازاماتتىق قورعاۋ پولكوۆنيگى ارمان بايگەلوۆ جانە ىلە الاتاۋى ۇلتتىق تابيعي پاركى باس ديرەكتورىنىڭ ورىنباسارى دارحان يسابەكوۆ ايتتى.

قازىرگى كەزدە الماتى قالاسىنىڭ اۋماعىندا قۇرعاق وسىمدىكتەردىڭ ورتەنۋىنىڭ 231 وقيعاسى تىركەلگەن. ءورت كوبىنەسە الاتاۋ، مەدەۋ، تۇركسىب جانە ناۋرىزباي اۋداندارىنىڭ اۋماعىندا ورىن العان.

ارمان بايگەلوۆتىڭ حابارلاۋىنشا، الماتىنىڭ مەملەكەتتىك باس سانيتارلىق دارىگەرىنىڭ 03.07.2020 №46 قاۋلىسىنىڭ تالاپتارىنا سايكەس، جەكەلەگەن (3 ادامنان اسپاعان جاعدايدا نەمەسە ءبىر وتباسىنىڭ مۇشەلەرى) جاعدايلاردى قوسپاعاندا، تابيعات اياسىنا ەكسكۋرسيالىق، كورپوراتيۆتىك، توپ بولىپ شىعۋعا تىيىم سالىنعان. ءبىراق، الماتى قالاسىنىڭ تاۋلى ورماندى جەرلەرىندە حالىقتىڭ دەمالۋ جاعدايلارى تىركەلۋدە. وسىعان بايلانىستى، تاۋلى-ورماندى جەرلەردە ءورت قاۋىپسىزدىگى ءۇشىن تجد قىزمەتكەرلەرى جەرگىلىكتى پوليسيانىڭ جانە مەملەكەتتىك ۇلتتىق تابيعي پارك قىزمەتكەرلەرىمەن، ۆولونتەرلىك ۇيىمدارمەن بىرلەسىپ 60 ءتۇسىندىرۋ شارالارىن جۇرگىزدى.

«رۇقسات ەتىلمەگەن ورىنداردا وت جاعۋدىڭ 101-دەن استام وقيعاسى تىركەلگەن. اكىمشىلىك جاۋاپكەرشىلىككە 40 جەكە تۇلعا تارتىلدى»، — دەدى ارمان بايگەلوۆ، ول ءاق تۋرالى قرك 367-بابىنا سايكە، ەرەكشە قورعالاتىن تابيعي اۋماقتاردا وت جاققان ەكى ازاماتقا 277 800 تگ ايىپپۇل سالىنعانىن ايتتى.

سونىمەن بىرگە، بەلگىلەنگەن مەرزىمدە دەمالۋشىلارعا ورتكە قارسى تاقىرىپتا 4075-تەن استام جادىناما تاراتىلدى.

بريفينگ بارىسىندا الماتىلىقتارعا الما-اراسان شاتقالىنىڭ اۋماعىندا ءۇ.الماتى، كازاچكا ءوز. بويىندا ىستىق تاماق ازىرلەۋگە ارنالعان ارنايى ورىندار بار ەكەنىن ەسكە سالدى. ياعني، ۇستەل، وت جاعاتىن جەر، مانگال مەن باربەكيۋ ءۇشىن بەتوندالعان الاڭ بار.

«ەرەكشە قورعالاتىن اۋماقتار مەن رۇقسات ەتىلمەگەن جەرلەردە وت جاققاندارى ءۇشىن تجد جانە مۇتپ قىزمەتكەرلەرى "اكىمشىلىك قۇقىقبۇزۋشىلىق تۋرالى" ق ر كودەكسىنىڭ 367-بابى بويىنشا اكىمشىلىك ايىپپۇل سالاتىنىن اتاپ وتكىم كەلەدى»، — دەدى ا.بايگەلوۆ، ول ايىپپۇل مولشەرى جەكە تۇلعالار ءۇشىن 10-نان 100 اەك نەمەسە 27 780 تگ 277 800 تگ دەيىن ەكەنىن اتاپ ءوتتى.

ايتا كەتەرلىگى، الماتى قالاسىنىڭ مەملەكەتتىك باس سانيتارلىق دارىگەرىنىڭ اعىمداعى جىلدىڭ 14 شىلدەدەگى №48 قاۋلىسىنا وراي كوروناۆيرۋستىڭ ودان ارى تارالۋىنىنڭ الدىن الۋ ءۇشىن تاۋلى-ورماندى اۋماقتارعا بارۋعا قوسىمشا شەكتەۋلەر ەنگىزىلگەن.

جۇمىس كۇندەرى مىنا ەرەجەلەردى ساقتاي وتىرىپ، تەك قانا جاياۋ سەرۋەندەۋگە رۇقسات ەتىلگەن:
• وزىمەن بىرگە ازىق-تۇلىك (سۋسىنداردان باسقا) اكەلىپ، پيكنيك ۇيىمداستىرۋعا جانە وت جاعۋعا قاتاڭ تىيىم سالىنادى؛
• ساياباقتاردىڭ اۋماعىندا ءۇش ادامنان ارتىق جۇرۋگە بولمايدى؛
• سانيتارلىق نورمالار مەن الەۋمەتتىك قاشىقتىق قاتاڭ ساقتالۋى ءتيىس.

ۇلتتىق ساياباقتار اۋماعى دەمالىس كۇندەرى كەلۋشىلەر ءۇشىن جابىق بولادى.