بۇگىن الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين بريفينگ بارىسىندا الماتى قالاسىنىڭ توتەنشە جاعدايلار جونىندەگى دەپارتامەنتى باسشىسىنىڭ ورىنباسارى، ازاماتتىق قورعاۋ پولكوۆنيگى ارمان بايگەلوۆ الماتىلىقتارعا ءورت قاۋىپسىزدىگى ەرەجەلەرىن ەسكە سالدى.

«الماتى قالاسىنىڭ تۇرعىندارى مەن قوناقتارىنىڭ ەسىنە تاۋلى-ورماندى جەرلەردە ءورت قاۋىپسىزدىگىن ساقتاۋدىڭ قاراپايىم ەرەجەلەرىن ەسكە سالعىم كەلەدى. وت جاعۋعا، رۇقسات ەتىلمەگەن ورىنداردا تاماق دايىنداۋ ءۇشىن مانگالدار مەن باسقا قۇرالداردى پايدالانۋعا بولمايدى»، — دەدى ارمان بايگەلوۆ.

سونىمەن بىرگە، رۇقسات ەتىلمەگەن ورىنداردا تەمەكى شەشۋگە بولمايدى، سەبەبى شىرپى مەن تەمەكى تۇقىلى ءورتتىڭ تۇتانۋىنا اكەلۋى مۇمكىن. سونىمەن بىرگە، الماتى تۇرعىندارىنان تاۋلى-ورماندى جەرلەردە ماي سىڭگەن نەمەسە بەنزين، كەروسين نەمەسە باسقا دا جانار-جاعارماي زاتتارى بار ماتەريالداردى،كۇن ساۋلەسى تۇسەتىن ورمان الاڭىنا بوتەلكەلەردى، شىنى سىنىقتارىن جانە باسقا دا قالدىقتاردى تاستاماۋ كەرەكتىگى ايتىلدى،ويتكەنى ولار دا ءورتتىڭ شىعۋىنا سەبەپكەر بولۋى مۇمكىن. تاۋلى جەرلەردە قۇرعاق شوپتەردى جاعۋعا تىيىم سالىنادى.

«ازاماتتار، ءورت قاۋىپسىزدىگى ەرەجەلەرىن ساقتاڭىزدار، ورماندى ورتتەن قورعاڭىزدار!»، — دەدى تجد قىزمەتكەرلەرى.