كوروناۆيرۋس ينفەكسياسىنىڭ تارالۋىن بولدىرماۋ ءۇشىن ەپيدەميولوگيالىق قاۋىپسىزدىكتى قامتاماسىز ەتۋدىڭ كۇشەيتىلگەن شارالارىن حالىق اراسىندا ءتۇسىندىرۋ بويىنشا جۇرگىزىلىپ جاتقان جۇمىستار تۋرالى وڭىرلىك كوممۋنيكاسيالار قىزمەتىنىڭ بريفينگىسىندە الماتى قالاسىنىڭ جەتىسۋ اۋدانى اكىمىنىڭ ورىنباسارى باۋىرجان بىربايەۆ ايتتى.

كوروناۆيرۋس ينفەكسياسىنىڭ تارالۋىن بولدىرماۋ ماقساتىندا 5 شىلدەدەن باستاپ كۇشەيتىلگەن رەجيمدە ءتۇسىندىرۋ جۇمىستارى جۇرگىزىلۋدە. دۇكەندەردە، ءدارىحانالاردا، الەۋمەتتىك-اكىمشىلىك عيماراتتاردا، بازارلار مەن ساياباقتاردىڭ اۋماقتارىندا جانە باسقا دا دەمالىس ايماقتارىندا. بۇلار ادامدار كوپ جينالاتىن ورىنداردا جوعارى ءقاۋىپ تۋرالى ەسكەرتەتىن باننەرلەر، سونداي-اق، پروفيلاكتيكا ەرەجەلەرى بار بروشيۋرالار، سەبەبى ەپيدەميولوگيالىق قاۋىپسىزدىك شارالارىن قالا تۇرعىندارىنىڭ ءبارى ساقتاي بەرمەيدى.

الەۋمەتتىك جەلىلەر مەن مەسسەندجەرلەردە دە جەكەلەگەن جۇمىستار جۇرگىزىلۋدە، كوروناۆيرۋس ينفەكسياسىنىڭ بەلگىلەرى بايقالعان جاعدايداعى الگوريتم جانە تازالىق ساقتاۋ ەرەجەلەرى تۋرالى اقپارات تاراتىلۋدا. وسى مەسسەندجەرلەر ارقىلى سەنىمسىز اقپارات تارالاتىنى دا اتاپ ءوتىلدى.

بۇل جۇمىستاردا اتقارۋدا حالىققا ماسكالار مەن اقپاراتتىق جادىنامالاردى تاراتۋمەن اينالىساتىن ۆولونتەرلاردىڭ ورنى ەرەكشە.

«كۇن سايىن ءبىزدىڭ تاراپىمىزدان 15-20 ءدارىحاناعا الەۋمەتتىك ماڭىزدى دارىلەردىڭ باعاسىن كوتەرمەۋگە بايلانىستى مونيتورينگ جۇرگىزىلەدى. ءدارىحانالار تاراپىنان بۇزۋشىلىقتار بولعان جوق. الايدا، ەكى كۇن بۇرىن ءدارىحانادا ءبىر دارىلىك قۇرالدىڭ باعاسىنىڭ كوتەرىلگەنى انىقتالدى، ءتيىستى ماتەريالدار اۋداندىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە تاپسىرىلدى»، — دەپ حابارلادى باۋىرجان بىربايەۆ.

جالپى مونيتورينگتىك توپتارمەن 567 كاسىپكەرلىك نىساندارى تەكسەرىلدى، ونىڭ ىشىندە 28-نە قاتىستى قالانىڭ باس مەملەكەتتىك سانيتار دارىگەرىنىڭ قاۋلىسىندا بەلگىلەنگەن ەپيدەميولوگيالىق نورمالاردى بۇزۋ تۋرالى ءتيىستى حاتتامالار تولتىرىلدى.

ادامدار كوپ جينالاتىن ورىنداردا قالا تۇرعىندارىنىڭ سانيتارلىق تالاپتاردى ساقتاۋىن قاداعالاۋ بويىنشا كۇشەيتىلگەن جۇمىستار جۇرگىزىلۋدە. ولار حقكو، ارنايى حقكو، ساياباقتار، سكۆەرلەر جانە ت. ب. كارانتين رەجيمىن بۇزعانى ءۇشىن 5 جەكە تۇلعاعا ايىپپۇل سالىندى.