الماتىلىقتارعا كارانتيندىك بۇزۋشىلىقتاردى انىقتاۋعا جانە جولىن كەسۋگە كومەك كورسەتكەنى ءۇشىن العىس ءبىلدىرىلدى.

الماتى قالاسىنىڭ وڭىرلىك كوممۋنيكاسيالار قىزمەتى الاڭىندا وتكەن ونلاين-بريفينگ بارىسىندا مەدەۋ اۋدانى اكىمىنىڭ ورىنباسارى بەرىك سۇلتانبايەۆ كارانتين رەجيمىن بۇزۋشىلاردى انىقتاۋعا كومەك كورسەتكەنى ءۇشىن وبلىس تۇرعىندارىنا العىسىن ءبىلدىردى.

ەسكە سالا كەتەيىك، الماتى اكىمى باقىتجان ساعىنتايەۆتىڭ تاپسىرماسىمەن بارلىق اۋدانداردا سونىڭ ىشىندە، بيزنەس نىساندارىنىڭ اۋماعىندا سانيتارلىق نورمالاردىڭ، ساقتالۋىن باقىلاۋ ءۇشىن مونيتورينگتىك توپتار قۇرىلدى. سونداي-اق، تۇرعىندارمەن بايلانىسۋ ءۇشىن جەدەل جەلى جۇمىس ىستەيدى.

«بىزگە جەدەل جەلىگە كەلىپ تۇسكەن قوڭىراۋلار بويىنشا تۇرعىنداردىڭ وزدەرى قاي جەردە جانە قانداي كارانتيندىك شارالارى بۇزىلعانى تۋرالى ايتادى. سول ءۇشىن ولارعا العىس ايتامىز»، — دەدى بەرىك سۇلتانبايەۆ.

ماسەلەن، وسى جىلدىڭ 17 شىلدەسىندە ءبىر تۇرعىننان كوك-توبە ساياباعىندا كارانتين شارالارى بۇزىلعاندىعى جايىندا شاعىم ءتۇستى. مونيتورلىق توپ دەرەۋ ءتارتىپبۇزۋشىلىق ورىن العان جەرگە باردى.

«ءموبيلدى توپ ءتارتىپبۇزۋشىلىق فاكتىسى بويىنشا اتالعان نىسانعا جولعا شىقتى. ءتارتىپ بۇزۋ فاكتىسى راستالدى. اتتراكسيوندار قىزمەتىن توقتاتتى. ءقازىر ولاردى اكىمشىلىك جاۋاپكەرشىلىككە تارتۋ ماسەلەسى قارالۋدا»، — دەپ قوستى ءوز سوزىنە مەدەۋ اۋدانىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ مىندەتىن اتقارۋشى ايبەك اسكەربەكوۆ.

جالپى مونيتورينگتىك توپتار جۇرگىزگەن تەكسەرۋلەر بارىسىندا شەكتەۋ شارالارىن بۇزۋ فاكتىلەرى انىقتالىپ، جولى كەسىلدى، ولاردىڭ اراسىندا:

1) بوستاندىق اۋدانىندا 11 شىلدەدە حان ءتاڭىرى شاعىن اۋدانى 126-ۇيدە «رايسكيي ساد» مەيرامحاناسىندا 30 ادامعا ارنالعان بانكەت وتكىزىلگەنى انىقتالدى. شارا توقتاتىلىپ، قوناقتار ۇيلەرىنە تارادى. نىساننىڭ جەتەكشىسىمەن ءتۇسىندىرۋ جۇمىستارى جۇرگىزىلىپ، مەكەمەنىڭ اكىمشىسىنە 15 اەك مولشەرىندە ق ر اقتك 425-بابىنىڭ 1-تارماعى بويىنشا، اكىمشىلىك قۇقىقبۇزۋشىلىق تۋرالى حاتتاما تولتىرىلدى.
2) 16 شىلدە كۇنى مەدەۋ اۋدانىندا «مانانا» رەستورانىنداعى تۇنگى كاراوكە-كلۋبتىڭ ۋاقىت رەجيمىنىڭ بۇزىلعانى انىقتالدى. مەيرامحانا اكىمشىلىگىمەن ءتۇسىندىرۋ جۇمىستارى جۇرگىزىلىپ، سونىڭ بارىسىندا مەيرامحانا ءوز ەركىمەن جابىلدى.
3) 12 شىلدە كۇنى بوستاندىق اۋدانىندا «رايسكيي ساد» مەيرامحاناسىندا كوپ قوناقتار سانىمەن ۇيلەنۋ تويى وتكەن. سالاتاناتتى جيىنعا كەلگەن قوناقتار دەرەۋ ۇيلەرىنە جىبەرىلدى. مونيتورينگتىك توپ حاتتاما تولتىردى. مەيرامحانا يەسى اكىمشىلىك جاۋاپكەرشىلىككە تارتىلدى.
4) تۇركسىب اۋدانىنىڭ نۇرشاشقان اۋدانىندا كارانتين كەزىندە «دوستلۋك» ءدامحاناسىندا 100 ادامعا ارنالعان بانكەت وتكەنى انىقتالدى. قوناقتار دەرەۋ تاراتىلىپ، نىساننىڭ قىزمەتى 1،5 ايعا توقتاتىلىپ، ءدامحانا يەسى يلاحۋنوۆا ر. ز-عا 100 اەك مولشەرىندە اكىمشىلىك ايىپپۇل سالىندى.
5) الاتاۋ اۋدانىندا مونيتورينگتىك توپ «Shafran» جانە «Bodrum» ءدامحانالارىندا شەكتەۋ شارالارى جانە سانيتارلىق نورمالاردىڭ بۇزىلعانىن انىقتادى. «Shafran» ءدامحاناسى تۇنگى 23.00-دەن كەيىن جۇمىس ىستەگەن. سونىمەن بىرگە پەرسونال قول،اپسىز جۇمىس ىستەگەن. كاۋاپ پىسىرەتىن جەردە ماسكاسىز جانە قولعاپسىز جۇمىس ىستەگەن. جازعى الاڭدا انتيسەپتيكتەر ورناتىلماعان. كەلۋشىلەردىڭ تەمپەراتۋراسىن ولشەمەيدى، سانيتارلىق-دەزينفەكسيالىق رەجيمقتالمايدى. كىرەبەرىسكە دەزينفەكسيالىق كىلەمشە توسەلمەگەن. «Bodrum» ءدامحاناسىندا داياشى ماسكاسىز جۇمىس ىستەگەن. اتالعان ءدامحانالارعا قاتىستى اكىمشىلىك قۇقىقبۇزۋشىلىق تۋرالى ەكى حاتتاما تولتىرىلدى.
6) جەتىسۋ اۋدانىندا «جبي گارانت» ج ش س تەمىربەتون ونىمدەرىن وندىرەتىن زاۋىت قىزمەتكەرلەرىنىڭ جابىق عيماراتتا قورعانىش ماسكالارىنسىز جۇرگەنى انىقتالدى. مونيتورينگتىك توپپەن اكىمشىلىك قۇقىقبۇزۋشىلىق تۋرالى حاتتاما تولىتىرلىپ، ءتۇسىندىرۋ جۇمىستارى جۇرگىزىلدى.

ەستەرىڭىزگە سالا كەتەيىك، كوروناۆيرۋستىق ينفەكسيانىڭ ودان ءارى تارالۋىن بولدىرماۋ ماقساتىندا قازاقستان رەسپۋبليكاسىنىڭ باس مەملەكەتتىك سانيتار دارىگەرىنىڭ قاۋلىسىمەن قوسىمشا شەكتەۋ شارالارى ەنگىزىلگەن. اتاپ ايتقاندا، كاراوكە، كاليان، بيليارد، كومپيۋتەرلىك كلۋبتار، بۋكمەكەرلەرلىك كەڭسەلەر، تۇنگى كلۋبتار، بوۋلينگ ورتالىقتارى، اتتراكسيوندار، ويىن الاڭدارى، باتۋتتار، كينوتەاترلار جانە باسقا ويىن-ساۋىق مەكەمەلەرىنىڭ قىزمەتىنە تىيىم سالىندى.