جايلى قالالىق ورتا باسقارماسى (جقوب) ىندەت جاعدايىندا الماتىلىقتاردىڭ ءومىرى مەن دەنساۋلىعىن قورعاۋ جونىندەگى ءىس-شارالار جوسپارىن ىسكە اسىرۋ اياسىندا، سونداي-اق كوروناۆيرۋستىق ينفەكسيانىڭ تارالۋىن بولدىرماۋ ماقساتىندا كوۆيدتى ناۋقاستاردى ەمدەۋگە ارنالعان ورىنداردىڭ سانىن كەڭەيتۋ ءۇشىن ءبىرقاتار نىسانداردى قايتا جابدىقتاۋدا.

كوۆيدتى اۋرۋحانالار جۇمىس ىستەپ تۇرعان دەنساۋلىق ساقتاۋ نىساندارىنىڭ نەگىزىندە قايتا قۇرىلۋدا. ولار تولىققاندى جۇمىس جاساۋ ءۇشىن سانيتارلىق-ەپيدەميولوگيالىق ستاندارتتارعا سايكەس قايتا جابدىقتالعان.

تازا جانە لاس ۋچاسكەلەر، شليۋزدەر، دەزينفەكسيالىق توننەلدەردى بولەتىن اراقابىرعانى ورناتۋ، جەلدەتۋ جۇيەلەرىن رەتكە كەلتىرۋ جانە باسقا دا جۇمىستار جۇرگىزىلۋدە.

قازىرگى ۋاقىتتا كوۆيدتى اۋرۋحانالار رەتىندە جۇمىس ىستەۋ ءۇشىن 15-تەن استام دەنساۋلىق ساقتاۋ نىساندارىن، ساناتورييلەر مەن باسقا دا عيماراتتاردى دايىنداۋ جانە جابىقتاۋ جوسپارلانۋدا.

بۇرىن حابارلانعانداي، Halyk Arena كەشەنى ءۇشىنشى ەشەلوندى ستانسا رەتىندە جۇمىس ىستەي باستادى.

ءتيىستى جۇمىستار وقكا، وميا، مكا-نىڭ بوس عيماراتتارىندا جۇرگىزىلۋدە. سونىڭ وزىندە مەكەمەلەردىڭ جۇمىسى توقتالمادى.

سونىمەن قاتار، «قازاقستان»، «كوكتەم» ساناتورييلەرى جانە باسقا دا قولايلى عيماراتتار دايىندالادى. بۇل كەزەڭدە اۋرۋحانالاردىڭ، بايلانىس جۇيەلەرىنىڭ، ينجەنەرلىك-كوممۋنيكاسيالىق جانە ەنەرگەتيكالىق جەلىلەردىڭ اۋماقتارىنا تالداۋ جۇرگىزىلىپ، لوگيستيكا ماسەلەلەرى پىسىقتالۋدا.