الماتى اكىمى ب. ساعىنتايەۆ دارى-دارمەك پەن جەرلەۋ قىزمەتى باعاسىنىڭ وسىرگەن ازاماتتار ءتيىستى جازاسىن الاتىنىن حابارلادى.

قالا اكىمى ءوزىنىڭ سوزىندە 8 ادامنىڭ پوليسياعا زيرات جۇمىسشىلارىنا قاتىستى رەسمي تۇردە شاعىمدانعانىن ايتتى. ءوتىنىش بىلدىرگەندەردىڭ ايتۋىنشا، ولار جەرلەۋ قىزمەتتەرى ءۇشىن قوسىمشا اقى تولەۋگە ءماجبۇر بولعان، ولاردى بەلگىلەنگەن قۇنعا قوسىمشا 70-تەن 80 مىڭ تگ دەيىن تولەۋگە ءماجبۇر ەتكەن.

پرەزيدەنت تاپسىرمالارىن ورىنداۋ ماقساتىندا زيرات قىزمەتكەرلەرىنىڭ زاڭسىز ىس-ارەكەتىنىڭ جولىن كەسۋ ءۇشىن ارنايى جەدەل-تەرگەۋ توپتارى قۇرىلدى. قازىرگى ۋاقىتتا ەكى ازامات قولعا ءتۇستى. جەرلەۋ كەزىندە زاڭسىزدىقتىڭ جولىن كەسۋ ماقساتىندا باسقا دا جەرلەۋ ورىندارى تەكسەرىلەدى.

دارىلىك زاتتاردى زاڭسىز ساتۋ جانە ولارعا باعانى كوتەرۋ فاكتىلەرىن انىقتاۋ جانە جولىن كەسۋ ماقساتىندا پروكۋراتۋرا، پد، جد، جد، تقسبقد، جەرگىلىكتى پوليسيا قىزمەتىنىڭ قىزمەتكەرلەرىنەن تۇراتىن ءموبيلدى توپ قۇرىلدى. بۇگىنگى تاڭدا وسىنداي 100-دەن استام قۇقىق بۇزۋشىلىق انىقتالدى، ولاردىڭ 24ء-ى بويىنشا دارىلىك زاتتاردى ساتۋ فاكتىسى بويىنشا قىلمىستىق ءىس تىركەلگەن. وسى ىستەردى تەرگەۋ شەڭبەرىندە 986 قاپتاما («ليەۆوسين»، «ينگاۆيرين»، «فراكسيپارين»، «ازيتروميسين» جانە ت. ب.) دارىلىك زاتتار، سونداي-اق 8،5 ملن دانا مەديسينالىق ماسكالار الىنىپ، ستاسيونارلارعا بەرىلدى.

قالا ءدارىحانالارىندا دارى-دارمەكتەردىڭ باعاسىن زاڭسىز كوتەرۋدىڭ بارلىعى 93 فاكتىسى انىقتالدى. 39 ادام ق ر اقبك 426-بابى (فارماسيەۆتيكالىق قىزمەت جانە دارىلىك زاتتار مەن مەديسينالىق بۇيىمدار اينالىمى سالاسىنداعى ەرەجەلەردى بۇزۋ) بويىنشا اكىمشىلىك جاۋاپكەرشىلىككە تارتىلدى.

«قالادا مەديسينالىق بۇيىمدار مەن دارىلىك پرەپاراتتاردى الىپ ساتاتىندار بايقالدى. ولار كوتەرمە ساۋدادا ەڭ تانىمال دارى-دارمەكتەردى ساتىپ الىپ، ينتەرنەتتە حابارلاندىرۋ بەرگەن. ءبىز ءاربىر وسىنداي حابارلاندىرۋدى الماتى قالاسىنىڭ پوليسيا دەپارتامەنتى ارقىلى باقىلاپ، ساتىپ الۋشىلار رەتىندە ولارعا كەلىپ، ودان ءارى قاجەتتى شارالار قابىلدادىق. وسىلايشا، ءبىز 8،5 ملن تگ دارى-دارمەكتەردى تاركىلەدىك»، — دەدى اكىم.