قىتايدىڭ قازاقستانمەن شەكتەسەتىن شىڭجاڭ پروۆينسياسىندا كارانتين جاريالانعان ايماقتار كوبەيىپ جاتىر. BBC ءۇرىمشى قالاسىندا "سوعىس جاعدايى" جاريالانعانىن حابارلاعان. جۇڭگو بيلىگى مۇنى كوۆيد-19 دەرەگىنىڭ كوبەيۋىمەن تۇسىندىرۋدە.
دۇيسەنبىدە قىتايدىڭ دەنساۋلىق ساقتاۋ ورگاندارى كوروناۆيرۋستىڭ 68 جاڭا جاعدايى انىقتالعانىن جاريالاعان، ونىڭ ىشىندە 57ء-ى شىڭجاڭدا تىركەلگەن. بۇل ايماقتا تىركەلگەن جاعدايلاردىڭ جالپى سانى 235-كە جەتتى.
جۇڭگو اقپاراتتارىنا سەنسەك، بەس اي بويى ينفەكسيا بايقالماعان پروۆينسيادا، سوڭعى ەكى اپتادا ءۇرىمشى قالاسىنان باستاپ، 300 شاقىرىم قاشىقتىقتاعى قاشعارعا دەيىن كوۆيد-19-دىڭ جاڭا جاعدايلارى انىقتالعان.
پىكىر قالدىرۋ