1 تامىزدان باستاپ دۋبايعا بارعان قازاقستاندىقتار كوروناۆيرۋسقا ەكى رەت تەست تاپسىرادى. بۇل تۋرالى Whatson سايتى حابارلادى.

29 ەلدىڭ تىزىمىنە قازاقستان، اۋعانستان، ارمەنيا، برازيليا، بانگلادەش، دجيبۋتي، ەگيپەت، ەريترەيا، ءۇندىستان، يندونەزيا، يران، يراك، قىرعىزستان، ليۆان، چەرنوگوريا، نيگەريا، پاكىستان، فيليپپين، سەربيا، سومالي، وڭتۇستىك افريكا، شري-لانكا، سۋدان، تانزانيا، رەسەي، تاجىكستان، تۇرىكمەنستان، وزبەكستان جانە اقش كىرەدى.

ءباا بيلىگىنىڭ حابارلاۋىنشا، بۇل كوروناۆيرۋستى جۇقتىرۋ جاعدايلارى كوپ ەلدەر.

بۇرىن اتالعان ەلدەردەن كەلگەن بارلىق جولاۋشىلاردا كوروناۆيرۋسقا تەستى تەرىس ناتيجە كورسەتكەن سەرتيفيكاتى بولۋى كەرەك بولاتىن. 1 تامىزدان باستاپ ولار دۋباي اۋەجايىندا تەست تاپسىرۋ كەرەك.

"تەستىلەۋدەن وتكەننەن كەيىن جولاۋشىلار ناتيجە شىققانعا دەيىن وقشاۋلانۋى ءتيىس. ەگەر ناتيجە تەرىس بولسا، ءارى قاراي وقشاۋلانۋدىڭ قاجەتى جوق" دەلىنگەن حابارلامادا.

تەست ناتيجەلەرىن الۋ ءۇشىن COVID-19 - DXB Smart قوسىمشاسىن جۇكتەۋ قاجەت.