قوستاناي وبلىسى قاشار كەنتىنىڭ اكىمى بيۋدجەت قارجىسىن جىمقىرعان دەگەن كۇدىكپەن ۇستالدى. بۇل تۋرالى وبلىستىڭ سىبايلاس جەمقورلىققا قارسى كۇرەس دەپارتامەنتىنىڭ باسپا ءسوز قىزمەتى حابارلادى.
"رۋدنىي قالاسىنا قاراستى قاشار كەنتىنىڭ اكىمى مەكەمە تىركەۋىندە تۇرعان قىزمەتتىك اۆتوكولىكتى جوندەۋگە بولىنگەن 1 464 000 تەڭگە بيۋدجەت قارجىسىن جىمقىردى دەگەن كۇدىككە ءىلىنىپ وتىر.
اۆتوكولىكتەر جوندەۋدەن وتپەگەن. كۇدىكتى سوعان قاراماستان اتالعان قارجىنى جىمقىرۋ ءۇشىن جەكە كاسىپكەردىڭ ەسەپشوتىنا اۋدارىپ جىبەرگەن. ءقازىر تەرگەۋ جۇمىستارى جۇرگىزىلىپ جاتىر" دەلىنگەن باسپا ءسوز قىزمەتى تاراتقان حابارلامادا.
سىبايلاس جەمقورلىققا قارسى قىزمەت اكىمگە قاتىستى سوتقا دەيىنگى تەرگەۋ ءىسىن باستادى.
پىكىر قالدىرۋ