الماتى وبلىسىندا تۇراتىن كوپ بالالى انانى كۇيەۋى ءولىمشى ەتىپ ساباعان. ايەلدىڭ تۋىستارى بولعان جايتتى ايتىپ «نە مولچي» قوعامدىق قورىنا حابارلاسقان. بۇل تۋرالى قوردىڭ جەتەكشىسى دينا ءتاڭسارى Facebook الەۋمەتتىك جەلىسىندە جازدى. 

ەرلى-زايىپتىلاردىڭ 4 بالاسى بار، وتاسقانىنا 15 جىل بولعان. وسى ۋاقىتتان بەرى كۇيەۋى ايەلىنە ءجيى قول كوتەرىپ كەلگەن.

– ول "مەن بۇل كۇنگە الدىن الا دايىندالىپ، بالالاردى ادەيى اجەسىنىڭ ۇيىنە جىبەردىم، سەنى ءولتىرۋ ءۇشىن" دەپ ايتقان. ايەلىن الدىمەن ۇرىپ-سوعىپ، ۆانناداعى سۋعا تۇنشىقتىرىپ، قىلقىندىرعان. ايەلى ايتارلىقتاي قارسىلىق كورسەتكەندىكتەن اسحانادان پىشاقتى الىپ كەلىپ، پىشاقتاماق بولعان. وسى ساتتە ايەلى قاشىپ ۇلگەرگەن، – دەدى جابىرلەنۋشى كەلىنشەكتىڭ اپكەسى.

جابىرلەنگەن ايەل تۋىستارىن كومەككە شاقىرعان. ولار اراشا تۇسكەن.

ءقازىر ەر ادام قاماۋعا الىنىپ، پوليسەيلەر ونى تەرگەپ جاتىر. كۇدىكتىنىڭ ۇستىنەن ق ر قىلمىستىق كودەكسىنىڭ 107-بابىمەن (دەنساۋلىققا قاساقانا ورتاشا اۋىرلىقتاعى زيان كەلتiرۋ) ءىس قوزعالعان. قىلمىستىق ءىس اياسىندا ءقازىر ءتيىستى ساراپتامالار تاعايىندالۋدا. 

ال جابىرلەنۋشىگە الداعى ۋاقىتتا وتا جاسالۋى قاجەت.