الماتى قالالىق بالالار جۇقپالى اۋرۋلار كلينيكالىق اۋرۋحاناسىنىڭ ەپيدەميولوگى بايانسۇلۋ تابينوۆا مەگاپوليس اۋماعىندا جۇرگىزىلەتىن دەزينفەكسيالىق جۇمىستاردىڭ قاجەتتىلىگى تۋرالى ايتىپ بەردى.

ونىڭ پىكىرىنشە، جۇرگىزىلگەن دەزينفەكسيا كوروناۆيرۋس ينفەكسياسىنىڭ تارالۋىن جانە پنيەۆمونيا تۇرىندەگى اۋرۋدىڭ اسقىنۋلارىن ازايتادى.

«ەلىمىزدەگى ءقاۋىپتى ەپيدەمياعا بايلانىستى دەزينفەكسيا بەلسەندى تۇردە جۇرگىزىلۋدە. تازالىق جۇمىستارى كوبىنە قوعامدىق كولىكتەردە، ساياباقتاردا، ويىن الاڭدارىندا، ياعني، قوعامدىق ورىنداردا جاسالىپ جاتىر. دەزينفەكسيانىڭ ەڭ باستى ماڭىزى - ۆيرۋستىڭ ادامدار اراسىندا تارالۋىن بولدىرماۋ جانە پاتوگەندىك ميكروورگانيزمدەردى جويۋ بولىپ تابىلادى»، — دەپ تولىقتىردى بايانسۋلۋ تابينوۆا.

دەزينفەكسيا جاساۋ ءۇشىن تەك قازاقستان رەسپۋبليكاسى جانە كەدەن وداعى ەلدەرى اۋماعىندا قولدانۋعا رۇقسات ەتىلگەن پرەپارتتار عانا پايدالانىلاتىنىن مامان ايتىپ ءوتتى. دەزينفەكسيالىق ەرىتىندى قاتاڭ نۇسقاۋلارعا سايكەس دايىندالادى.

سونداي-اق قوعامدىق ورىنداردا جۇرگىزىلىپ جاتقان تازالىق جۇمىستارى- ۆيرۋستىڭ تارالماۋىنا تىكەلەي اسەر ەتەتىندىگىن ايتتى.

«دەزينفەكسيا – ۆيرۋستى پنيەۆمونيانى تۋدىرمايدى، ويتكەنى ول ۆيرۋستى پنيەۆمونيانى تۋدىراتىن ۆيرۋس قوزدىرعىشتارىن جويادى. قازىرگى زاماناۋي دەزينفەكسيا جاسايتىن قۇرالدار قاۋىپتىلىگى جاعىنان 4ء-شى توپقا جاتادى. بۇل- ەڭ تومەن ءقاۋىپتى بىلدىرەدى. سوندىقتان بۇل ادام جانە جانۋارلار ومىرىنە ءقاۋىپسىز ەكەندىگىن ايتقىم كەلەدى»، — دەدى بايانسۇلۋ تابينوۆا.

كوروناۆيرۋس ينفەكسياسىنىڭ تارالۋىن الدىن الۋ ماقساتىندا، الماتى قالاسىنىڭ قوعامدىق ورىندارىندا كەڭ كولەمدى دەزينفەكسيا جۇرگىزىلىپ جاتقاندىعىن ەستەرىڭىزگە سالا كەتكەمىز كەلەدى.