پسيحيكالىق ساۋىقتىرۋ ورتالىعىنىڭ م. ماقاتايەۆ كوشەسىندەگى فيليالى پاندەمياعا بايلانىستى پروۆيزورلىق ورتالىق بولىپ جۇمىس جاساۋدا. وسىدان ەكى-ۇش اپتا بۇرىن ورتالىققا كۇنىنە 20-25 ناۋقاس تۇسكەن بولسا، ءقازىر ورتا ەسەپپەن 8-10 ادام تۇسۋدە.

بۇل تۋرالى ونلاين-بريفينگ كەزىندە پسيحيكالىق ساۋىقتىرۋ ورتالىعىنىڭ ديرەكتورى ساپار راحمەنشەيەۆ مالىمدەدى.

«پسيحيكالىق ساۋىقتىرۋ ورتالىعىنىڭ م. ماقاتايەۆ كوشەسىندەگى فيليالىندا 5 ناۋرىزدان باستاپ پروۆيزورلىق ورتالىق قىزمەت جاساپ كەلەدى. شەتەلدەن ۇشىپ كەلگەن 1800 ازاماتتىڭ بارلىعى وسى ورتالىقتا بولدى. ونىڭ 152-نەن ينفەكسيا انىقتالىپ، ولاردى جۇقپالى اۋرۋلار اۋرۋحاناسىنا اۋىستىرىپ وتىردىق. ءبىرىنشى شىلدەدەن باستاپ ءبىزدىڭ ورتالىقتا 350 توسەك پروۆيزورلىق توسەك جاسالدى. ياعني م. ماقاتايەۆ كوشەسىندەگى ورتالىقتا 180 توسەك بولسا، ءا. كەكىلبايەۆ كوشەسىندە 170 توسەك پروۆيزورلىق كومەك كورسەتىلىپ جاتىر»، — دەدى سپيكەر.

پروۆيزورلىق ورتالىقتا بىلىكتى 296 مەديسينا قىزمەتكەرى جۇمىس جاسايدى.

ولار وكپەنىڭ قابىنۋىنىڭ ورتاشا اۋىر جانە اۋىر دارەجەسىمەن، ياعني پنيەۆمونيامەن اۋىراتىن ناۋقاستارعا بارلىق قاجەتتى ەمدەۋ شارالارىن جۇرگىزۋدە.

«وكپەسى قابىنعان ناۋقاستارعا ساپالى مەديسينالىق كومەك كورسەتىلەدى. ناۋقاستارعا قابىنۋعا قارسى، باكتەرياعا قارسى، سونداي-اق انتيكووگۋليانتتى تەراپيا جانە وكسيگەنوتەراپيا قولدانىلادى. بۇل ەمنىڭ ءبارى دەنساۋلىق ساقتاۋ مينيسترلىگىنىڭ بەكىتكەن پروتوكولى بويىنشا جۇرگىزىلۋدە. ءبىزدىڭ ورتالىقتا 10 رەانيماسيالىق توسەك جانە 6 يۆل اپپاراتى بار. جىل سوڭىنا دەيىن تاعى 4 يۆل اپپاراتىن الامىز دەپ جوسپارلاپ وتىرمىز»، — دەدى ورتالىق باسشىسى.

وسى ايدىڭ باسىنان اتالعان پروۆيزورلىق ورتالىقتان 499 ادام ەم الىپ، جازىلىپ شىققان. ەڭ ەستە قالاتىنى، 1933 جىلى تۋىلعان اجەي وكپەسىنىڭ 64 پايىزىنىڭ قابىنعان دياگنوزىمەن ءتۇسىپ، ەمدەلىپ شىققان.

«1933 جىلى تۋىلعان اپامىز ءبىزدىڭ اۋرۋحاناعا ءتۇسىپ، 18 كۇن جاتىپ، ەم قابىلدادى. بەس كۇن رەانيماسيادا جاتتى. كت رەنتگەنىنەن قاراعاندا وكپەسىنىڭ 64 پايىزى قابىنعانى انىقتالدى. ول كىسىگە پروتوكول بويىنشا ەم جۇرگىزىلىپ، ون سەگىز كۇننىڭ ىشىندە ساۋىعىپ شىقتى»، — دەيدى ساپار راحمەنشەيەۆ.

ايتا كەتسەك، پروۆيزورلىق ورتالىق اشىلعالى بەرى جاسى 55-تەن جوعارى 207 ناۋقاس ەمدەلگەن. ونىڭ 152ء-سى جازىلىپ شىقسا، قالعاندارى ەم قابىلداۋدا. بۇگىنگى مالىمەتكە قاراساق، ماقاتايەۆ كوشەسىندەگى پروۆيزورلىق ورتالىقتا 103 ادام ەمدەلۋدە، ال ءا. كەكىلبايەۆ كوشەسىندەگى ورتالىقتا 125 ناۋقاس ەم الۋدا. ياعني بۇرىنعىداي ەمەس ناۋقاستار سانى ازايعان ءارى بوس ورىندار دا بار.

ديرەكتوردىڭ ايتۋىنشا پاندەمياعا قاراماستان ورتالىق ءوزىنىڭ تىكەلەي مىندەتتەرىن توقتاتقان جوق. ياعني ديسپانسەرلىك باقىلاۋدا تۇرعان پسيحيكالىق يا بولماسا ناركولوگيالىق اۋىتقۋلارى بار اۋرۋلاردى امبۋلاتورلىق جانە ورتالىققا جاتقىزىپ ەمدەۋ جۇرگىزىلۋدە. پسيحولوگيالىق كومەك كورسەتۋ دە توقتاتىلعان جوق.