پاندەميا كەزىندە الماتى قالاسى پسيحيكالىق دەنساۋلىق ورتالىعى جان-جاقتى كومەك كورسەتۋدى جالعاستىرۋدا. بۇل تۋرالى الماتى قالاسىنىڭ وڭىرلىك كوممۋنيكاسيا قىزمەتىنىڭ الاڭىندا الماتى پسيحيكالىق دەنساۋلىق ورتالىعىنىڭ ديرەكتورى ساپار راحمەنشەيەۆ ايتتى.

اعىمداعى جىلدىڭ ناۋرىز ايىنان باستاپ، الماتى قالاسىنداعى پسيحيكالىق دەنساۋلىق ورتالىعىندا Covid-19 اۋرۋ بەلگىلەرى بار ناۋقاستاردى قابىلدايتىن پروۆيزورلىق ستاسيونار رەتىندە 300-دەن استام توسەك-ورىن دايىندالدى. وسى مەرزىم ىشىندە اۋرۋحانا 1800-دەن استام ادامدى قابىلداعان. ونىڭ ىشىندە 152 ناۋقاستان كوروناۆيرۋس ينفەكسياسى تابىلعان.

«بىزدە وكپە اۋرۋىمەن تۇسكەن ورتاشا، اۋىر جانە وتە اۋىر جاعدايداعى ناۋقاستار، ياعني پنيەۆمونيامەن اۋىرعاندار ەمدەلىپ جاتىر. ءبىزدىڭ 296 مەديسينا قىزمەتكەرلەرىمىز ءوز مىندەتتەرىن ابىرويمەن اتقارۋدا»، — دەدى س. راحمەنشەيەۆ.

سونداي-اق، پاندەمياعا قاراماستان، ورتالىقتا بۇرىننان ەمدەلىپ جاتقان، ناشاقورعا تاۋەلدى جانە پسيحيكالىق اۋرۋلارى بار ناۋقاستار، ستاسيونارلىق جانە امبۋلاتورلىق جاعدايدا تولىق ەمدەرىن جالعاستىرۋدا.

«ءبىزدىڭ ورتالىق پسيحولوگيالىق كومەك كورسەتۋ بويىنشا جۇمىسىن توقتاتقان جوق. تىركەلگەن بارلىق پاسيەنتتەر ەمدەۋدى جالعاستىرىپ جاتىر»، — دەدى ول.

ورتالىقتا تاۋلىك بويى 376-56-60 سەنىم تەلەفونى جۇمىس ىستەيدى. وسى نومىرگە تۇرعىندار كەز كەلگەن ۋاقىتتا حابارلاسىپ، كەڭەس الا الادى.