قىتايدا پامير جۇڭگو تاريحىنىڭ ءبىر بولىگى بولعانى تۋرالى ايتىلا باستادى. جۇڭگو اننەكسيالاعىسى كەلەتىن ءار اۋماققا قاتىستى وسىلاي دەيدى. بەيجىڭ وسى جولى تاجىكستان جەرىنىڭ 45 پايىزىنا اۋىز سالماق. بۇل تۋرالى ءۇندىستانداعى اعىلشىن تىلىندە حابار تاراتاتىن wionews باسىلىمى حابارلادى.

جۋىردا جۇڭگو تاريحشىسى چو ياۋ لۋ جۇڭگو پاميردەن سين يمپەرياسى بيلىگىنىڭ اقىرعى جىلدارىندا ايىرىلىپ قالعانىن، الەمدىك دەرجاۆالاردىڭ قىسىمىنىڭ كەسىرىنەن پامير 128 جىل بويى قىتايدان تىس قالىپ قويعانى تۋرالى جازعان.

ونىڭ سوزىنشە، تاجىكستان اۋماعىنىڭ 45 پايىزى قىتايعا تيەسىلى.

2011 جىلى جۇڭگو تاجىكستاننان 1000 شارشى شاقىرىم پامير جەرىن الماق بولعان.

2019 جىلى Washington Post گازەتى پاميردە جۇڭگو قارۋلى كۇشتەرىنىڭ جۇرگەنى تۋرالى جازعان.

ءۇندىستاندىق باسىلىمنىڭ حابارلاۋىنشا، جۇڭگو تاجىكستاندى بورىشتىق مىندەتتەمەنىڭ وتەۋى رەتىندە ءپاميردى بەرۋگە كوندىرۋى مۇمكىن. تاجىكستان 2017 جىلى "بەلدەۋ مەن جول" باستاماسىنا قوسىلعان. بۇگىندە ەلدە 350 جۇڭگو كومپانياسى جۇمىس ىستەيدى.

تfipost سايتىنىڭ دەرەگىنشە، دۋشانبە قىتايعا 1،2 ميلليرد دوللار قارىز. ەلدىڭ سىرتقى قارىزىنىڭ جالپى كولەمى 2،9 ملرد دوللاردى قۇرايدى.

بۇعان دەيىن تاجىكستان بەرەشەكتىڭ ءبىر بولىگىنىڭ وتەۋى رەتىندە قىتايعا پايدالى قازبالاردى وندىرۋگە رۇحسات بەرگەن.

"ەندى جۇڭگو ءپاميردى وسىلاي العىسى كەلەدى. بۇل قىتايعا شەكارالىق بەكەتتەر، اۋەجايلار، سالۋعا مۇمكىندىك بەرەر ەدى. بۇل قىتايدان قارىز العان بارلىق ەل ءۇشىن ساباق بولۋعا ءتيىس" دەپ جازدى ءۇندىستاندىق سايت.