جاڭا زەرتتەۋلەر بويىنشا، ۋحانداعى العاشقى كوروناۆيرۋسپەن اۋىرعانداردىڭ كوپشىلىگى اۋرۋحانادان شىعىپ ءۇش ايدان كەيىن دە ولاردان وكپە زاقىمى بايقالعان.

ۋحان ۋنيۆەرسيتەتى چجۋننان اۋرۋحاناسى جانساقتاۋ ءبولىمىنىڭ ديرەكتورى دوكتور پەنگ چجيونگ اۋرۋدىڭ ۇزاق مەرزىمدى اسەرى تۋرالى الاڭداۋشىلىعىن جاسىرماعان.

زەرتتەۋگە قاتىسقاندار ەنەرگيانىڭ جەتىسپەيتىندىگىن ايتقان، ال ولاردىڭ 50 پايىزعا جۋىعىنان دەپرەسسيا بەلگىلەرى بايقالعان. "ولار قوعامنان وقشاۋلاۋعا ۇشىراپ، قالىپتى ومىرگە ورالا الماي جاتقاندارىن ايتتى" دەپ حابارلايدى The Times.

ءبىر جىلعا جالعاساتىن زەرتتەۋ جۇمىسىنىڭ الدىڭعى ءۇش ايلىق زەرتتەۋ ناتيجەسى بويىنشا، اۋرۋلاردىڭ 90 پايىزىندا وكپە زاقىمى بار ەكەنى انىقتالعان.

10 پايىزىندا كوۆيد-19 انتيدەنەسى بولماعان.

– ناتيجەلەر اۋرۋلاردىڭ يممۋندىق جۇيەسىنىڭ ءالى قالپىنا كەلىپ جاتقانىن كورسەتتى، – دەگەن دوكتور پەنگ.