الماتى وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ جاڭا باسشىسى بولىپ تاعايىندالعان ەرعالي سىدىمانوۆ العاشقى جۇمىس كۇنى تالدىقورعاندىق تۇرعىنداردىڭ نارازىلىعىن تۋعىزدى. ازاماتتار ونىڭ ورىنسىز ارەكەتتەرىنە شاعىمدانعان. وقيعا ۆيدەوسى تالدىكورگانەس پاراقشاسىندا جاريالاندى.
ۆيدەودا جاڭا قىزمەتكە تاعايىندالعان ەرعالي سىدىمانوۆتىڭ قالا تۇرعىندارىمەن سويلەسىپ تۇرعانى كورىنەدى. جەلى قولدانۋشىلارى ولاردىڭ جۇمىس ىستەۋگە رۇقسات سۇراپ تۇرعان كاسىپكەرلەر ەكەنىن ايتتى.
"مەن ساعان قىزمەت كورسەتپەيمىن. تۇسىنەمىن، بالالاردى باعۋ كەرەك، ارى-بەرى، نەسيە بار، انداي-مىنداي دەگەندەي. مەنىڭ نە تۇرمىسقا قۇرعانىما ءبىر جىل عانا بولدى ما؟ (مىسقىل). بولدى، ساۋ بولىڭدار، باسىمدى قاتىرماڭدار. سەن نە ۆيدەوعا ءتۇسىرىپ تۇرسىڭ با؟ مىنە، وسىندايدان باستالادى ءبارى" دەدى ەرعالي سىدىمانوۆ ۆيدەودا.
الەۋمەتتىك جەلىدە "سانيتار دارىگەردىڭ ۇيىنە بارىپ، جۇمىس سۇراپ تۇرعانداي، "گولوۆۋ نە موروچتە" دەپ قويادى عوي"، "اناۋ-مىناۋ دەمەي دۇرىستاپ سويلەمەي مە. ەكى ءسوزدىڭ باسىن قوسا الماي وتىرعان ادام" دەگەن پىكىرلەر جازىلىپ جاتىر.
پىكىر قالدىرۋ