وسى اپتادا بەلارۋس ەلىندە جاڭا ەرەۋىلدەر بولادى دەپ كۇتىلۋدە. كەشە ەلدى 26 جىل بيلەگەن پرەزيدەنت الەكساندر لۋكاشەنكونىڭ كەتۋىن تالاپ ەتىپ كوشەگە شىققان ادامدار سانى ءجۇز مىڭنان استى.
الايدا ازىرگە لۋكاشەنكو كەتۋ تۋرالى ويلامايتىن سىڭايلى. ول جەكسەنبىدە جاقتاستارىن "ەلى مەن تاۋەلسىزدىگىن قورعاۋعا" شاقىرعان.
الايدا ەلدە نارازىلىق بىلدىرۋشىلەر كۇن ساناپ ارتىپ جاتىر.
جەرگىلىكتى Tut.by جاڭالىقتار سايتى بەيبىت شەرۋدى "تاۋەلسىز بەلارۋس تاريحىنداعى ەڭ ۇلكەن" شەرۋ دەپ سيپاتتادى.
وعان قوسا، بەلارۋس ەلىن 30 جىلعا جاۋىق باسقارعان لۋكاشەنكو باسقا ەۋروپا ەلدەرىنىڭ قىسىمىنا تاپ بولدى.
جەكسەنبى كۇنى فرانسيا پرەزيدەنتى ەممانۋەل ماكرون "ەۋروپالىق وداق ءوز قۇقىقتارى، بوستاندىعى مەن ەگەمەندىگىن قۇرمەتتەۋ ءۇشىن بەيبىت تۇردە نارازىلىق ءبىلدىرىپ جاتقان ءجۇز مىڭداعان بەلارۋس حالقىنا قولداۋ كورسەتۋدى جالعاستىرۋى كەرەك" دەدى.
گەرمانيانىڭ ۆيسە-كانسلەرى ولاف شولس "Bild" گازەتىنە بەلارۋس ليدەرى "بارلىق لەگيتيمىن جوعالتتى" دەپ ونى "جامان ديكتاتور" دەپ سيپاتتادى.
وتكەن اپتادا ەۋروپالىق وداقتىڭ سىرتقى ىستەر مينيسترلەرى "زورلىق-زومبىلىق، رەپرەسسيا جانە سايلاۋ ناتيجەلەرىن بۇرمالاۋ" ءۇشىن جاۋاپ بەرەتىن بەلارۋس شەنەۋنىكتەرىنە قارسى جاڭا سانكسيالار دايىنداۋعا كەلىستى.
اقش سايلاۋدى "ەركىن جانە ءادىل ەمەس" دەپ ايىپتادى.
پىكىر قالدىرۋ