ونىڭ سوزىنشە، ايسۇلتاننىڭ قازاسى ەسىرتكىگە اۋەستىگىمەن بايلانىستى بولۋى مۇمكىن. ويتكەنى ونىڭ دەنساۋلىعى جاقسى بولعانىمەن، ەسىرتكى قولدانعاننان كەيىن اۋىر دەپرەسسياعا تۇسەتىن.
– ول دەم جەتپەيتىنىن ايتاتىن. كارديولوگتار جۇرەك تالماسىنىڭ بەلگىلەرىن انىقتايتىن شىعار. ونىڭ دەنساۋلىعىنداعى كىنارات ەسىرتكىمەن بايلانىستى بولدى. ءبىراق ايس مەنىڭ ۇيىمدە تۇرعاندا ەسىرتكىگە مۇلدەم جولامايتىن. سوڭعى رەت ول مەنىڭ ۇيىمدە بىلتىر كوكتەمدە مە، الدە جاز باسىندا ما تۇردى. مەنىكىنە كەلگەندە ول ەسىرتكى قولدانعاننان كەيىنگى دەپرەسسيانىڭ اۋىر تۇرىندە ەدى. دۇرىس سويلەي المايتىن. ارادا اپتا وتكەن سوڭ عانا ەسىن جيعان، – دەدى مۇسايەۆ.
ۇقك ەكس-توراعاسىنىڭ سوزىنشە، ايسۇلتان باسىنداعى پروبلەمالارعا اينالاسىنداعىلاردىڭ ءبارىن كىنالايتىن.
گەنەرال سونداي-اق لوندوندا ونىڭ سوڭىنان اڭدىعانىن، الايدا ولتىرىلگەنى تۋرالى قولىندا دەرەك بولماعاندىقتان، ءدوپ باسىپ ايتا المايتىنىن جەتكىزدى.
مۇسايەۆ ايسۇلتان لوندوندا قاعاز جۇزىندە قازىرگى KAZ Minerals، بۇرىنعى قازاقمىس كورپوراسياسىندا مەنەدجەر رەتىندە ىستەگەنىن، الايدا ونى ول جاققا كىرگىزبەيتىنىن حابارلادى.
• ايسۇلتان راحاتتىڭ سوڭعى جازباسى
– ول جۇمىسقا بارعىسى كەلەتىنىن، ءبىراق ونى كىرگىزبەيتىنىن ماعان تالاي ايتقان. مۇنداي نۇسقاۋدى نازاربايەۆ بەرگەن بولۋى مۇمكىن. ونىڭ ۇستىنە ۆلاديمير كيم دە ايسۇلتاندى جاقتىرمايتىن. نازاربايەۆقا ۇنەمى جامانداپ جۇرەتىن. ايسۇلتان لوندوندا نەگىزىنەن ەسىرتكى مەن جەڭىل ءجۇرىستى قىزدارعا اۋەس بولدى، – دەدى ول.
مۇسايەۆ ايسۇلتان قاڭتاردا داۋلى مالىمدەمەلەرىن ەسىرتكىنىڭ بۋىمەن جاساعانىن، ارتىنان ەسىن جيعاندا سول ارەكەتى ءۇشىن قاتتى وكىنگەنىن مالىمدەدى. ونىڭ سوزىنشە، بۇل ارەكەت ايسۇلتاندى پسيحولوگيالىق تۇرعىدا "جەپ قويعان". كەيىنگى جازعاندارىن قاڭتارداعى اقىماقتىعىن جۋىپ-شايۋ ءۇشىن جاريالاعان.
ەكس-توراعا facebook-تە جاريالاعان دنك تەست ناتيجەسى جالعان بولعانىن، ونى ايسۇلتاندى نازاربايەۆتىڭ ءوش الۋىنان قورعاۋ ءارى داريعا نازاربايەۆانى اقتاپ، قولداۋ ءۇشىن جاساعانىن جەتكىزدى.
– ەندى ول جوق كەزدە شىندىقتى ايتۋعا بولادى. شىن مانىندە ول راحاتتىڭ بيولوگيالىق ۇلى ەمەس. بار بىلەتىنىم وسى، – دەدى ول.
پىكىر قالدىرۋ