الماتى وبلىسى جامبىل اۋدانىندا كەسەنەدەگى ساداقا جاشىگىن بۇزعان كۇدىكتى ايەل ۇستالدى. اقپاراتتى اۋدانندىق پوليسيا ءبولىمىنىڭ باستىعى اسحان تەگەنبايەۆ راستادى.
پوليسيا ءبولىمى باستىعىنىڭ مالىمەتىنشە، قىلمىسقا قاتىسى بار دەگەن كۇدىكپەن 39 جاستاعى ايەل ادام پوليسيا بولىمشەسىنە جەتكىزىلگەن. ونىڭ جاقىن ماڭداعى اۋىل تۇرعىنى ەكەنى انىقتالعان. كۇدىكتىدەن قولدى بولعان قاراجات تاركىلەندى. اتالعان دەرەك بويىنشا ق ر قىلمىستىق كودەكسىنىڭ 188-بابىنا سايكەس سوتقا دەيىنگى تەرگەۋ امالدارى جۇرگىزىلۋدە.
سونداي-اق، تەرگەۋ بارىسىندا كۇدىكتى بۇعان دەيىن كەسەنەگە كەلىپ، قارجى سالىنعان جاشىكتىڭ ەش باقىلاۋسىز تۇرعانىنا كوز جەتكىزگەنى بەلگىلى بولدى. العاشقىدا تەكسەرىپ جۇرگەن دە، كەلەسى جولى دايىندىقپەن كەلگەن ايەل جاشىكتىڭ قۇلپىن بۇزىپ، ىشىندەگى قاراجاتتى الىپ كەتكەن.
كۇدىكتى ايەل مەكەنجايىن وزگەرتپەۋ تۋرالى مىندەتتەمەمەن بوساتىلدى. ونىڭ بۇدان وزگە دە وسىعان ۇقساس قىلمىستارعا قاتىسى بارى تەكسەرىلەتىن بولادى.
پىكىر قالدىرۋ