بۇعان دەيىن بەلارۋس پرەزيدەنتى الەكساندر لۋكاشەنكو قارۋلى كۇشتەرىن "جوعارى دايىندىققا" كەلتىرگەنىن ايتقان. دەگەنمەن، ناتو "لۋكاشەنكونىڭ شەتەلدىك دەرجاۆالار ەلدىڭ شەكاراسىندا اسكەرلەر جيناۋدى ۇيىمداستىرىپ جاتىر دەگەن پىكىرلەرى نەگىزسىز" دەپ مالىمدەدى.

سەنبىدە مينسك كوشەلەرىندە نارازىلىق تاعى جالعاستى.

دەمونسترانتتار لۋكاشەنكونىڭ وتستاۆكاعا كەتۋىن تالاپ ەتۋدە.

بەلارۋسسيانى 26 جىل باسقارعان باسشى "ناتو بلوگى بەلارۋسسيانى ءبولىپ، مينسكىگە جاڭا پرەزيدەنتتى ورناتقىسى كەلەدى" دەپ مالىمدەگەن.

لۋكاشەنكو ءوزىنىڭ قاۋىپسىزدىك باسشىلارىنا بەلارۋس ەلىنىڭ "اۋماقتىق تۇتاستىعىن قورعاۋ ءۇشىن قاتاڭ شارالاردى قابىلداۋعا" بۇيرىق بەرگەن.

ال، ناتو "بەلارۋسسياعا نەمەسە باسقا ەلگە ەشقانداي ءقاۋىپ جوق جانە ايماقتا اسكەري كۇشتەرىمىز جوق" دەپ جاريالادى.

ليتۆا پرەزيدەنتى گيتاناس ناۋسەدا "رەجيم كەز-كەلگەن جاعدايدا نازاردى باسقا جاققا بۇرۋعا تىرىسادى" دەپ فرانس پرەسس اگەنتتىگىنە سۇحبات بەردى.

پولشانىڭ پرەزيدەنتتىك وكىلى پولشانىڭ "شەكارانى بۇزۋى تۋرالى اقپاراتتتار بەلارۋس رەجيمىنىڭ پروپاگانداسى" دەپ مالىمدەدى. لۋكاشەنكونىڭ مالىمدەمەسىن " قايعىلى جانە تاڭقالارلىق" دەپ اتادى. "پولشادا مۇنداي نيەت جوق...."، - دەپ قوستى پولشا وكىلى.