قىتايدىڭ TikTok بەينە قوسىمشاسى اقش پرەزيدەنتى دونالد ترامپتىڭ تىيىم سالۋىنا قارسى زاڭدى ىس-ارەكەتتەردى قابىلداپ جاتىر. بۇل تۋرالى BBC حابارلادى.
ترامپتىڭ بۇيرىعىمەن قىركۇيەك ايىنىڭ ورتاسىنان باستاپ TikTok كومپانياسىنىڭ امەريكادا جۇمىس ىستەۋىنە شەكتەۋ قويىلماق.
ۆاشينگتون شەنەۋنىكتەرى "كومپانيا امەريكالىق پايدالانۋشىلار تۋرالى دەرەكتەردى جۇڭگو ۇكىمەتىنە بەرە الادى" دەپ الاڭداۋدا.
قىسقا بەينە الماسۋ باعدارلاماسىندا اقش-تىڭ 80 ميلليون بەلسەندى قولدانۋشىسى بار.
TikTok تارابىنىڭ ۋاجىنە سايكەس، كومپانيا ترامپ اكىمشىلىگىمەن ءبىر جىلعا جۋىق ۋاقىت جۇمىس ىستەگەن، ءبىراق اكىمشىلىك پروسەدۋرالار مەن فاكتىلەرگە نازار اۋدارماعان.
–ءبىزدىڭ كومپانيامىزعا جانە پايدالانۋشىلارىمىزعا ءادىل قاراۋدى سۇراۋ ءۇشىن، ءبىز سوت جۇيەسى ارقىلى اتقارۋشى تارتىپكە نارازىلىق بىلدىرۋدەن باسقا امالىمىز جوق،–دەدى كومپانيا وكىلى.
TikTok سوت ءىسى وسى اپتادا باستالادى.
پىكىر قالدىرۋ