"سولتۇستىك كورەيا اسكەرلەرى مەن پوليسياسىنا ەلدىڭ قىتايمەن شەكاراسىنان ءبىر شاقىرىمعا جاقىنداعان كەز كەلگەن ادامدى اتۋعا بۇيرىق بەرىلدى" دەپ حابارلايدى بريتانيالىق دەيلي ەكسپرەسس باسلىمى.
وتكەن ايدا كيم چەن ىن بۇل ەلگە كوروناۆيرۋس "كىرە الاتىنىن" مويىندادى.
سولتۇستىك كورەيا حامگونگ پروۆينسياسىنىڭ تۇرعىنى جۋرناليستەرگە كوروناۆيرۋستىق پاندەميا اياقتالعانعا دەيىن سولتۇستىك كورەيا مەن قىتايدىڭ شەكاراسىندا قاتاڭ ساياسات جۇرگىزىلەتىنى حابارلانعانىن ايتقان.
اقپاراتتارعا سايكەس، ءحورون قالاسىنىڭ پوليسياسىنا "سولتۇستىك كورەيا مەن جۇڭگو شەكاراسىنان ءبىر شاقىرىم قاشىقتىققا كەلگەن ادامداردى، قانداي دا ءبىر سەبەپتەرىنە قاراماستان، ولتىرەمىز" دەپ قاۋىپسىزدىك مينيسترلىگىنەن شۇعىل حابارلاما جىبەرىلگەن.
ايتا كەتەيىك، بۇعان دەيىن سولتۇستىك كورەيا مەن جۇڭگو اراسىندا جاعدايدىڭ شيەلەنىسىپ، پحەنيان شەكاراعا 1500 ارناۋلى جاساقتى جىبەرگەنى حابارلانعان. وعان قوسا، ەكى ەلدىڭ تەڭىزشىلەرى مەن پاترۋلدىك قايىقتارى قاقتىعىسىپ، ادامدار قازا تاپقانى ءمالىم بولعان.
پىكىر قالدىرۋ