ۇبت-دا كەزەكشى ءمۇعالىم تالاپكەرگە تەست سۇراقتارىن سۋرەتكە تۇسىرۋگە كومەكتەسكەن. ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ Facebook پاراقشاسىندا وقيعانىڭ ۆيدەوسىن جاريالادى.

– كونستيتۋسيا كۇنىنە سايكەس كەلىپ، مەرەكە كۇنى 97 بالاعا ارنالعان جاقسى جاڭالىق! ۇبت بەينەجازبالارىنىڭ قورىتىندىسى بويىنشا 158 تەستىلەنۋشىنىڭ ناتيجەلەرى جويىلدى، ولاردىڭ 97ء-سى گرانت يەگەرى اتانعان بولاتىن (سونىڭ ىشىندە 138 بالل العان تۇلەك تە بار). سوعان وراي، ءادىل تاپسىرعان، ءبىراق گرانتقا وتپەگەن 97 بالا 2 اپتا ىشىندە گرانت يەگەرلەرى اتانىپ، تىركەلەتىن بولادى، – دەپ جازدى ول.

ونىڭ ايتۋىنشا،  ءتارتىپتى قامتاماسىز ەتەتىن كەزەكشىنىڭ ءوزى قىلمىستىق ارەكەتكە بارعانى انىقتالدى. 

– "باتىرلىقپەن" سۇراق كىتاپشاسىن فوتوعا ءتۇسىرىپ وتىرعان بالانى دەنەسىمەن جاۋىپ تۇر. كەم دەگەندە ونىڭ ءبىلىم بەرۋ سالاسىنان جۇمىستان بوساتىلۋىن، ال ودان بەتەر شارا رەتىندە قاتال جاۋاپكەرشىلىككە تارتىلۋىن تالاپ ەتەتىن بولامىز، – دەپ جازعان جەلىدەگى پاراقشاسىندا.