پرەزيدەنت قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جىل سايىنعى ءداستۇرلى جولداۋىندا پاندەميا كەزىندەگى ءبىلىم بەرۋ جۇيەسىنە قاتىستى سىن ايتتى.
– قاشىقتان وقىتۋ ءىسىن ۇيىمداستىرۋدا ۇكىمەتتىڭ جىبەرگەن قاتەلىگىن جاقسى بىلەمىز. اشىعىن ايتقاندا ءالى كۇنگە دەيىن ءبىر ونلاين پلاتفورما جوق. مۇعالىمدەر، وقۋشىلار جانە اتا-انالار كۇندىز-تۇنى whatsapp-تان باس كوتەرمەيتىن بولدى. تولىققاندى وقۋ ۇدەرىسى ءۇشىن واجەتتى بارلىق فۋنكسيالارى بار ءبىرىڭعاي نھونلاين ءبىلىم بەرۋ پلافورماسىن شۇعىل ازىرلەۋ قاجەت. ساپالى ءبىلىم الۋ ءۇشىن ادەتتەگىدەي ساباققا قاتىسىپ، مۇعالىمدەرمەن، سىنىپتاستارمەن ارالاسۋدىڭ ورنى بولەك. سانيتارلى تالاپتاردى ساقتاي وتىرىپ، ءبىلىم الۋدىڭ قالىپتاسقان ءداستۇرلى تاسىلىنە قايتا كوشۋدىڭ ءتارتىبىن ازىرلەگەن ءجون. بۇل اسىرەسە مەكتەپتەر ءۇشىن ماڭىزدى. كۇندەلىكتى ماسەلەلەردى شەشۋمەن قاتار، بالالاردىڭ بارىنە بىردەي مۇمكىندىك تۋعىزۋ ءۇشىن جۇيەلى شارالار قابىلداۋ قاجەت. بالالارىمىز قاي جەردە تۇرسا دا، قانداي تىلدە وقىسا دا ساپالى ءبىلىم الۋى كەرەك،- دەدى پرەزيدەنت.
قاسىم-جومارت توقايەۆ سونىمەن قاتار ۇستازداردىڭ جالاقىسىن 25%-عا ارتتىرۋ تۋرالى شەشىم قابىلداعانىن مالىمدەدى.
ءبىلىم سالاسىنداعى ماسەلەلەردىڭ ءبىرى ۇساتازدار جالاقىسىنىڭ ازدىعى. مەن 2021 جىلدىڭ قاڭتار ايىنان باستاپ مۇعالىمدەردىڭ ەڭبەكاقىسىن جيىرما بەس پايىزعا كوبەيتۋ جونىندە شەشىم قابىلدادىم. جالاقى مولشەرى الداعى ۋاقىتتا دا ارتا بەرەدى. بۇل ماقساتقا الداعى ءۇش جىلدا قوسىمشا 1،2 تريلليون تەڭگە بولىنەدى.
پىكىر قالدىرۋ