"49 جاستاعى يلون ماسكتىڭ Forbes تىزىمىندە تەز كوتەرىلۋى جالعاستى. دۇيسەنبىدە ول Facebook كومپانياسىنىڭ نەگىزىن قالاۋشى مارك سۋكەربەرگتەن  باسىپ وزدى" دەپ حابارلادى Bloomberg. 2020 جىلى Tesla اكسيالارى شامامەن 500% قىمباتتاپ، ماسكتىڭ بايلىعى 87،8 ميلليارد دوللارعا وسكەن. 

Bloomberg Billionaires يندەكسىنە سايكەس ەكى اپتانىڭ الدىندا عانا يلون ماسكتىڭ بايلىعى 84،8 ميلليارد دوللارعا باعالانىپ، الەمدەگى ءتورتىنشى باي ادام بولعان. ال، وسى دۇيسەنبىدە ونىڭ جەكەلىك داۋلەتى 115،4 ميلليارد دوللارعا جەتىپ،  بايلىعى 110،8 ميلليارد دوللارعا باعالانعان مارك سۋكەربەرگتى باسىپ وزدى.

وسىلايشا، يلون ماسك بيلل گەيتستەن كەيىنگى ورىنعا تۇراقتاپ، عالامشارداعى ءۇشىنشى باي ادام بولدى.

ايتا كەتەيىك، يلون ماسك ناۋرىزدا Forbes ءتىزىمى بويىنشا الەمدەگى داۋلەتتى 30 ادام قاتارىنا كىرمەيتىن. ونىڭ جەكەلىك داۋلەتى 20 شىلدەدە 74 ميلليراد دوللارعا جەتكەن.  Bloomberg اقپاراتى يلون ماسكتىڭ Forbes تىزىمىندە "اققان جۇلدىز جىلدامدىعىمەن" كوتەرىلگەنىن مالىمدەگەن. شىلدەنىڭ باسىندا ماسكتىڭ الەم بويىنشا جەتىنشى باي بولعانى حابارلانسا، ارادا ءبىر اپتا وتەر-وتپەستەن ونىڭ الەمدەگى ەڭ باي بەس ادامنىڭ قاتارىنا قوسىلعانى جاريالاندى. 

باسىلىمنىڭ اقپاراتىنا سايكەس، دۇيسەنبىدەن باستاپ دجەفف بەزوس، بيلل گەيتس جانە يلون ماسك الەمنىڭ ەڭ باي ءۇش ادامى بولدى.