"مەن الماتىلىقپىن" قوعامدىق بىرلەستىگىنىڭ وكىلى كونستانتين اۆەرشين، مەملەكەت باسشىسى ق.ق. توقايەۆتىڭ "جاڭا جاعدايداعى قازاقستان: ءىس-قيمىل كەزەڭى" اتتى قازاقستان حالقىنا جولداۋىندا ايتىلعان باستامالار تۋرالى پىكىرىمەن ءبولىستى.
"ءبىز جولداۋدى تىڭدادىق. بۇل وتە تەرەڭ، ماعىنالى ەكەنى سەزىلەدى. مۇنداي ناقتى شارالاردى ىسكە اسىرۋدا ناقتى قادامدار بولاتىنى كورىنىپ تۇر. مەن ءوزىم ءۇشىن ارنايى ءتۇرتىپ العان تۇستارى بار. ەكى جىل بۇرىن ءبىز قالا تۇرعىندارى بيۋدجەت قارجىسىنىڭ قايدا جۇمسالاتىنىن ءبىلۋى ءتيىس دەگەن ماسەلەنى كوتەردىك. مەن بۇل ماسەلەنى ءوزىم كوتەردىم، كەيبىر ارىپتەستەر مەنى قولدادى. ءقازىر بۇل تارماق ەنگىزىلگەنى وتە قۋانىشتى"، - دەدى كونستانتين اۆەرشين.
سونداي-اق، ول كاسىپكەر رەتىندە مسب-قا قاتىستى باستامالاردى قولدادى.
"ماسەلە شاعىن جانە ورتا بيزنەستى قولداۋ تۋرالى ايتىلدى. ءىس جۇزىندە الماتى – شاعىن جانە ورتا بيزنەس قالاسى. ءبىز بۇل تۋرالى ءبارىن بىلەمىز. بىزدە رەسۋرستار جوق، سوندىقتان بيزنەستى ناقتى قولداۋ كەرەك. جابايى تەكسەرۋلەردى توقتاتۋ كەرەك. مەن الماتى قالاسىنىڭ سپورت ليگاسىن باسقارامىن. ءبىز ءارقاشان بۇقارالىق سپورتتى قولداپ، قول جەتىمدى ۇيىرمەلەردى بالالار ءۇشىن جاساۋعا تىرىستىق. بۇل دۇرىس ماسەلە، كارانتين كەزىندە ادامداردىڭ يممۋنيتەتى قاتتى تومەندەدى. ۇيىرمەلەر مەن سپورتتىق سەكسيالار اركىمگە قولجەتىمدى بولۋ كەرەك. بۇل بارلىعىنا قاتىستى. ءبىز ءوز بالالارىمىزعا ينۆەستيسيا سالۋىمىز كەرەك. بۇل سۋيسيدتىك كوڭىل - كۇيدىڭ، تاۋەلدىلىكتىڭ، قىلمىستىڭ جانە ت.ب. الدىن الۋ ءۇشىن قاجەت"، - دەدى ول.
پىكىر قالدىرۋ