ۇرلانعان جىلقىلارىن تاۋىپ بەرگەن تۇركىستان وبلىسىنىڭ پوليسەيلەرىنە تۇرعىندار العىس ايتتى
وزدەرىڭىزگە بەلگىلى، تۇركىستان وبلىسىنىڭ پوليسەيلەرى 6 اۋداننان مال ۇرلاعان 2 قىلمىستىق توپتى ۇستادى. ءتارتىپ ساقشىلارى 2019-2020 جىلدار ارالىعىندا تۇرعىنداردىڭ قورا-جايلارىنان، جايىلىمداردان ۇرلانعان جالپى 78 باس مالدىڭ، 42ء-سىن كۇدىكتىلەردەن تاركىلەپ الىپ، زاڭدى يەلەرىنە قايتاردى.
ءوز كەزەگىندە جوعىن تاۋىپ بەرگەن پوليسەيلەرگە تۇرعىندار شىنايى ريزاشىلىعىن جەتكىزدى. ماسەلەن، تولەبي اۋدانىنىڭ تۇرعىنى ومارحان تۇرلىبەكوۆ: «2020 جىلى شىلدە ايىنىڭ 31ء-ى كۇنى ەكى ايعىرىمدى بارىمتاشىلار ۇرلاپ كەتتى. پوليسياعا ارىزداندىم. ەندى مىنە پوليسەيلەردەن قۋانىشتى حابار ەستىپ، مالىمدى قايتارىپ الدىم. كۇدىكتىلەر ۇستالىپتى. جارايسىزدار!»-دەپ اتاپ ءوتتى.
ودان بولەك، قاراتوبە ەلدىمەكەنىنىڭ تۇرعىنى جايشىبەك ەسىمدى ازامات ءوزىنىڭ كوكپارعا قاتىساتىن ەكى جىلقىسىن ۇرىلار قولدى ەتكەنىن جەتكىزدى. «ۇيىمنەن، قورامدى بۇزۋ ارقىلى اكەتىپ قالعان جىلقىلارىمدى ءتارتىپ ساقشىلارى تاۋىپ بەردى. جۇمىستارىڭىزعا تابىس تىلەيمىن!» -دەپ شىنايى قۋانىشىن جەتكىزدى.
سونىمەن قاتار، قاسقاسۋ اۋلىنىڭ تۇرعىنى نۇرعالي لەسبەكوۆ، وڭتۇستىك اۋىلىنىڭ تۇرعىنى رويزيمان احمەتوۆ، قاراتوبە اۋىلىنىڭ تۇرعىنى بەكزات سىنالييەۆ، جامبىل اۋلىنىڭ تۇرعىنى ءابدىلدا باقداۋلەتتەر دە بىرنەشە اي الدىن ۇرلانعان جىلقىلارىن تاۋىپ بەرگەن پوليسەيلەردىڭ ەڭبەگىن جوعارى باعالادى. جابىرلەنۋشى تۇرعىندار جەدەل-ىزدەستىرىپ، وزدەرىنىڭ كاسىبي شەبەرلىگى مەن قىراعىلىقتارىنىڭ ارقاسىندا وسىنداي ۇلكەن ناتيجە جەتكەن پوليسەيلەرگە العىستارىن جاۋدىردى. جانە ءتارتىپ ساقشىلارىنا سەنىم ءبىلدىرىپ، قيىن دا ءقاۋىپتى سالادا اتقارىپ جاتقان قىزمەتتەرىنە بيىك ابىروي تىلەدى.
ەستەرىڭىزگە سالايىق، بۇگىنگى تاڭدا 8 كۇدىكتى قاماۋعا الىندى. ولار تۇركىستان مەن شىمكەنت قالاسىنىڭ تۇرعىندارى. سونداي-اق ۇرلانعان مالداردى ساتىپ الىپ وتىرعان 4 تۇلعا ۇستالدى. قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە.

پوليسيا.كز