ۇكىمەتتە مەملەكەت باسشىسىنىڭ بيىلعى جولداۋىن ىسكە اسىرۋ بويىنشا جالپىۇلتتىق ءىس-شارالار جوسپارىنىڭ جوباسى جاريالاندى. پرەمەر-مينيستر اسقار مامين كوروناۆيرۋستىق ينفەكسياعا قاتىستى مالىمدەمە جاسادى.

– قابىلدانعان شارالاردىڭ ارقاسىندا كوروناۆيرۋستىڭ جاعدايى تۇراقتاندى. كوروناۆيرۋستىق ينفەكسياسى مەن ۆيرۋستىق پنيەۆمونيا تاريفتىك ءوسۋى 0،5 پايىز شەگىندە. بۇگىندە ينفەكسيانى جۇقتىرعان ادامداردىڭ 94%-ى ەمدەلىپ شىقتى. ينفەكسيالىق اۋرۋحانالاردىڭ جۇكتەلۋى 15پايىز. جەدەل جاردەم شاقىرۋ 80%-عا دەيىن تومەندەدى. اۋرۋ جۇقتىرعانداردىڭ سانىن ازايتۋ، مەديسينالىق كومەك تيىمدىلىگىن جاقسارتۋ بويىنشا ناقتى شارالار قابىلداندى. كۇزدە اۋرۋلار سانى ارتادى. وسىعان بايلانىستى 15ء-شى قىركۇيەكتەن باستاپ حالىقتى تۇماۋعا قارسى ۆاكسينا سالۋ باستالادى، – دەدى ول.

ونىڭ ايتۋىنشا، وڭىرلەردە 12 ينفەكسيالىق اۋرۋحانا سالىنىپ جاتىر.

– 2 ستاسيونار قايتادان جاڭارتىلدى. جالپى اۋرۋحانالارداعى ورىندار سانى 50 مىڭ ورىنعا دەيىن جۇمىس جۇرگىزىلەدى. اۋىلدىق جەرلەردە مەديسينالىق كومەك قامتاماسىز ەتىلەدى جانە جەدەل جاردەم كولىكتەرى مەن بارلىق جابدىقتارمەن قامتاماسىز ەتىلۋدە. جەكە قورعانۋ قۇرالدارى مەن دارى-دارمەكتەر جەتكىلىكتى قورى جاسالدى. تاپشىلىق بولمايدى. تامىز ايىنان بەرى حالىققا ەمدەلۋ ءۇشىن تەىن دارى-دارمەك بەرىلىپ جاتىر. ۆيرۋسقا تەستىلەۋ سانى ارتتى. ۆاكسينا ساتىپ الۋ جونىندە كەلىسسوزدەر وتكىزىلدى.

الەمدەگى ەپيدەميانىڭ تۇراقسىزدىعىن ەسكەرسەك، ۆيرۋستىڭ قايتادان ءورشۋ مۇمكىندىگىنە دايىندىق جۇمىستارىن جالعاستىرۋىمىز كەرەك. كەيبىر شەكتەۋ شارالارىن جالعاستىرۋ قاجەت.

وسىعان بايلانىستى مىناداي تاپسىرما بەرەمىن:
1. وڭىرلەردىڭ اكىمدەرى ەپيدەميولوگيالىق جاعدايدى ەرەكشە باقىلاۋدا ۇستاسىن، بارلىق سانيتاريالىق نورمالاردى قاتاڭ ساقتاسىن. ۆيرۋستىڭ تارالۋى مەن اۋرۋ جۇقتىرۋ كورسەتكىشتەرىنىڭ وزگەرۋىنە قاراي جەدەل ءارى ناقتى ارەكەت ەتسىن. ينفراقۇرىلىمدى دايىنداۋ شارالارىن قابىلداسىن جانە بارلىق ساتىداعى مەديسينا جۇمىسكەرلەرىنىڭ قاۋىپسىزدىگىن قامتاماسىز ەتسىن.

2. دەنساۋلىق ساقتاۋ مينيسترلىگىنە مۇددەلى مەملەكەتتىك ورگاندارمەن بىرگە حالىق اراسىندا پروفيلاكتيكالىق جۇمىستى كۇشەيتۋدى تاپسىردى.

3. سيفرلىق دامۋ مينيسترلىگى دەنساۋلىق ساقتاۋ، اقپارات مينيسترلىكتەرىمەن بىرگە حالىق اراسىندا ءاقپاراتتىق-تۇسىندىرۋ جۇمىسىن جۇرگىزسىن، – دەدى مامين.