پاۆلودار وبلىسى باياناۋىل اۋدانى جاڭاتىلەك اۋىلىنىڭ تۇرعىندارى ينتەرنەتتىڭ ورناتىلماعانىنا شەنەۋنىكتەردىڭ ۇستىنەن شاعىمداندى.

تۇرعىنداردىڭ ايتۋىنشا، وتكەن وقۋ جىلىنىڭ سوڭىندا ينتەرنەتتەن پروبلەما تۋىنداپ، اكىمدىككە شاعىمدانعان. ال، اتقامىنەرلەر بۇل ماسەلەنى ساباق باستالعانشا شەشەمىز دەپ ۋادە بەرگەن. ءبىراق ءالى كۇنگە ۋادە ورىندالماپتى. 

– اكىم وقۋ جىلىنا دەيىن قۇرىپ بەرەمىز دەگەن، ءبارىن قىزىقتىرىپ قويدى. ءبىراق ءالى جوق. مەنىڭ ۇيىمدە مۇمكىندىگى شەكتەۋلى بالا بار. وعان ينتەرنەت كەرەك، ول ۇيدە وقيدى. سول بىزدە WhatsApp اشىلمايدى، ينتەرنەت جوق. كارانتين ءبىتسىن قۇرامىز دەگەن، ودان بەرى تۇر. سىمدارى كىرىپ تۇر، ءبىراق جوق ينتەرنەت، – وبلىس تۇرعىنى.

اۋدان اكىمى قانات كاريمتوۆتىڭ ايتۋىنشا، ينتەرنەت جەلىسى قازىرگى تاڭدا ورناتىلىپ جاتقانىن جەتكىزدى.

– قايىرلى كەش! جاڭاتىلەك اۋىلىندا تالشىقتى وپتيكالىق بايلانىس ارقىلى ينتەرنەت جەلىسى ورناتىلۋدا. "قازاقتەلەكوم" اق جۇرگىزىپ جاتىر جۇمىستارىن. قازىرگى تاڭدا اۋىلداعى 197 ءۇيدىڭ 172-سىنە ينتەرنەت كىرگىزىلدى. ال، وقۋشىلار بەللاين جەلىسىمەن ونلاين مەكتەپ پلاتفورماسىندا ساباق الۋدا. ينتەرنەت بار وقۋشىلاردا ، كوروناۆيرۋس ىندەتىنە بايلانىستى  "قازاقتەلەكوم" جۇمىسكەرلەرى تامىزدىڭ 17-سنەن باستاپ اۋىلعا جۇمىستارعا كىرىسىپ كەتتى. بۇگىنگى جاۋاپتارى وسى ايدىڭ 20 جۇلدىزىنا دەيىن بۇكىل ۇيلەرگە ينتەرنەتتى ورناتىپ بەرەدى. ال، ەندى وقۋشىلارعا بىزدە ون بالا بار 213 بالانىڭ ىشىندەگى 10 بالانىڭ ۇيلەرىندە ينتەرنەت جوق. ولار ءبىراق بەللاين موبيلدىك جەلىسىمەن، – دەيدى اكىمى.