"الماتى" تەلەارناسى ۇلى وتان سوعىسى كەزىندە الماتىلىقتاردىڭ جانە قالاعا كوشىرىلگەن ازاماتتاردىڭ ءومىرى جايلى "الماتى جۇرەگىمدە" اتتى جاڭا تەلەحيكايا ءتۇسىردى.

بۇگىن "الماتى جۇرەگىمدە" تەلەحيكاياسىنىڭ الدىن الا كورسەتىلىمى Zoom باعدارلاماسى ارقىلى ونلاين-فورماتتا ءوتتى.

ال كورەرمەن جاڭا تەلەحيكايانى "الماتى" تەلەارناسىنان 14 قىركۇيەكتە كەشكى ساعات 20:35-تە تاماشالاي الادى. وندا كەيىپكەرلەر باسقا تۇسكەن قايعى-قاسىرەتكە قاراماستان، جارقىن بولاشاقتان كۇدەر ۇزبەي، كەدەرگىلەرگە مويىماي، باقىت ءۇشىن كۇرەسەدى.

"الماتى جۇرەگىمدە" اتتى جاڭا تەلەحيكايادا ۇلى وتان سوعىسى جىلدارىنداعى قازاق زيالىلارىنىڭ ءومىرى مەن قىزمەتى كورىنىس تابادى. 1941 جىلى قىستا رەسەيدىڭ تانىمال جازۋشىسى قىزىمەن بىرگە قازاق كسر استاناسى الماتىعا قونىس اۋدارادى. اللا كورچيەۆسكايا دارىندى، ءارى جاس وپەرا ءانشىسى. زۇلمات سوعىس باستالار الدىندا اناسىنان ايىرىلعان اللا جابىرقاۋلى كۇي كەشەدى. اكەسىنە دە بۇل قازا اۋىر تيەدى. ەۆاكۋاسيالانعان مادەنيەت قايراتكەرلەرىنىڭ باسىم بولىگى ايگىلى "لاۋرەاتنيكتە" ءومىر سۇرسە، كورچيەۆسكييدى قازاقتىڭ تانىمال جازۋشىسى ءوز ۇيىنە شاقىرادى. قاسىموۆتىڭ ۇلى ءامىر اللاعا عاشىق بولادى. ءامىر - جاس، سىمباتتى، باتىر، ءارى دارىندى مۋزىكانت. ول بويجەتكەندى كەڭەس ۇكىمەتىنىڭ ايگىلى ءارتىسىنىڭ قاتىسۋىمەن وتەتىن "باقشاساراي سۋبۇرقاعى" بالەتىنە شاقىرادى. سودان بەرى وپەرا تەاترى اللانىڭ ءومىرىنىڭ ءبىر بولشەگىنە اينالادى" دەلىنگەن حابارلامادا.