قازاقستاننىڭ باس سانيتار دارىگەرى ايجان ەسماعامبەتوۆا 20 قىركۇيەكتەن كەيىن قاتاڭ كارانتين شارالارى ەنگىزىلەدى دەگەن اقپاراتقا بايلانىستى پىكىر ءبىلدىردى.
ەلدەگى ەپيدەميولوگيالىق جاعداي ماۋسىم-شىلدە ايلارىنداعى احۋالعا قاراعاندا تۇراقتى ەكەنىن ايتقان ول رەسمي اقپاراتقا عانا سەنۋگە شاقىردى.
باس سانيتار دارىگەر "قىركۇيەكتە كارانتين ەنگىزەدى" دەگەن اقپاراتتى جوققا شىعارىپ، بۇكىل ەل بويىنشا جانە ءار وڭىردەگى، ەلدىمەكەندەگى احۋالعا كۇندەلىكتى مونيتورينگ جۇرگىزىلىپ وتىرعانىن ءمالىم ەتتى.
– قابىلداناتىن شارالاردىڭ بارلىعى دا ەپيدەميولوگيالىق احۋالعا بايلانىستى، – دەپ ءسوزىن تۇيىندەدى ايجان ەسماعامبەتوۆا نۇر-سۇلتان قالاسىنداعى №6 قالالىق ەمحاناعا كەلگەن ساتىندە.
اتالعان ەمحاناعا قازاقستاننىڭ دەنساۋلىق ساقتاۋ ءمينيسترى الەكسەي سوي دا كەلىپ، ماۋسىمدىق تۇماۋعا قارسى ۆاكسينا سالدىرعان.
دەرەككوز: قازاقپارات
پىكىر قالدىرۋ