«Nur Otan» ءاربىر ءوڭىر، قالا جانە اۋدان بويىنشا تاياۋداعى 5 جىلعا ارنالعان 216 سايلاۋالدى باعدارلاماسىنىڭ جوبالارىمەن جۇرتشىلىقتى تانىستىرۋدى جالعاستىرۋدا. بۇگىن باستى نازاردا – ەلىمىزدىڭ سولتۇستىك وبلىستارى. پارتيانىڭ باسپا ءسوز قىزمەتى جالپىرەسپۋبليكالىق پارتياىشىلىك پرايمەريزدىڭ قورىتىندىسى بويىنشا ۇزدىك يدەيالار مەن شەشىمدەردى جيناقتاي وتىرىپ، باعدارلاما جوبالارى كراۋدسورسينگ قاعيداتى بويىنشا پىسىقتالاتىنىن اتاپ ءوتتى. اقمولا وبلىسى بويىنشا سايلاۋالدى باعدارلاماسىنىڭ نەگىزگى باعىتتارىنىڭ ءبىرى اۋىلداردى قولداۋ جانە جاڭا جۇمىس ورىندارىن اشۋ. وڭىردە تاۋ-كەن-گيدرومەتاللۋرگيالىق كەشەنىن، تەحنيكالىق المازدار كونسەنتراتىن شىعاراتىن فابريكا، كۇن ەلەكتر ستانسياسى مەن قوقىستى قايتا وڭدەۋ كەشەنىن سالۋ جوسپارلانۋدا. اۋىل تۇرعىندارىنىڭ تابىسىن ارتتىرۋ جانە ازىق-تۇلىك قاۋىپسىزدىگىن قامتاماسىز ەتۋ ءۇشىن، پارتيا 17 ءسۇت-تاۋار فەرماسىن قۇرۋ ارقىلى ءسۇت شارۋاشىلىعىن دامىتۋدى ماقسات ەتۋدە. سونداي-اق، 700 ەت فەرماسىن قۇرۋ ارقىلى ەت شارۋاشىلىعىن دامىتۋ مىندەتىن دە قويىپ وتىر. سونىمەن قاتار، 3،4 ملن.شارشى مەتر تۇرعىن ءۇي، 11 مەكتەپ جانە 7 دەنساۋلىق ساقتاۋ نىسانىن سالۋ جوسپارلانعان. 556 اۋىلدى اۋىز سۋمەن قامتاماسىز ەتىپ، 7 اۋداندا گاز تارتۋ جەلىلەرىن سالۋعا باسىمدىق بەرىلدى. جاستار اراسىندا جۇمىسسىزدىقتى تومەندەتۋ ءۇشىن پارتيا جىل سايىن كەمىندە 6،5 مىڭ جاستى جۇمىسقا ورنالاستىرۋعا، قۇزىرەتتەر ورتالىقتارىنىڭ اشىلۋىنا ىقپال ەتەدى. 2 جوعارعى وقۋ ورىنى مەن 4 كوللەدجدىڭ ستۋدەنتتەرىنە ارناپ 7 جاتاقحانا سالىنادى. سايلاۋالدى باعدارلاماعا سايكەس، قوستاناي وبلىسى بويىنشا وڭىردە تۋريستىك سالانىڭ الەۋەتى جوعارى. ونى دامىتۋ ءۇشىن ينفراقۇرىلىمدى، قىزمەت كورسەتۋ دەڭگەيىن جانە بىلىكتى كادرلاردى دايارلاۋدى كۇشەيتۋ جوسپارلانۋدا. مۇنىمەن قوسا، پارتيا جولداردىڭ ساپاسىن جاقسارتۋدى كوزدەيدى. بارلىق ساناتتاعى جولدار مەن كوشەلەردى قالپىنا كەلتىرۋگە جىل سايىن شامامەن 17 ملرد.تەڭگە بولىنبەك. ول 472 مىڭ ادام تۇراتىن 118 ەلدى مەكەندى قامتيدى. ومىرلىك قيىن جاعدايعا تاپ بولعان وتباسىلارعا تالداۋ جاساي وتىرىپ، «باقىتتى وتباسى» جوباسى اياسىندا مۇقتاج كوپبالالى جانە از قامتىلعان وتباسىلار كومىرمەن، وتىنمەن، ازىق-تۇلىكپەن جانە باسقا دا كومەكپەن قامتاماسىز ەتىلەدى. سونىمەن قاتار، «Nur Otan» پارتياسى مەن «Jas Otan» جاستار قاناتى جاستارعا جان-جاقتى قولداۋ كورسەتەدى. قوستاناي قالاسىندا 1750 ورىندىق 4 ستۋدەنتتىك جاتاقحانا سالۋ، باسپانا ساتىپ الۋعا نەسيە بەرۋ، بىررەتتىك كوتەرمەلەۋ جاردەماقىسىن بەرۋ ارقىلى «ديپلوممەن اۋىلعا» باعدارلاماسى بويىنشا 1500-دەن استام بىلىكتى جاس مامانداردى الەۋمەتتىك قولداۋ جانە ت.ب. جوسپارلانۋدا. پاۆلودار وبلىسىندا «Nur Otan» پارتياسى جەڭىلدەتىلگەن نەسيە بەرۋدى، كەلىسىمشارتتىق قارجىلاندىرۋ تەتىگىن، اۋىل شارۋاشىلىعى ونىمدەرىن قايتا وڭدەۋگە قاجەتتى جابدىقتار مەن تەحنيكا ليزينگىن كەڭەيتۋ ارقىلى شارۋالارعا بارىنشا قولداۋ كورسەتۋگە نيەتتى. سونداي-اق، ەگىس القاپتارىن 900 مىڭ گا دەيىن كەڭەيتۋ، پاۆلودار اۋدانىنىڭ ميچۋرينو اۋىلىندا جانە اقسۋ قالاسىنىڭ اۋىلدىق ايماعىندا كوتەرمە-تاراتۋ ورتالىقتارىن سالۋ جوسپارلانۋدا. پاۆلودار قالاسىندا «القاپتان سورەگە دەيىن» سحەماسى بويىنشا فەرمەرلىك ونىمدەردىڭ ارنايى بازارىن سالۋ كوزدەلىپ وتىر. «Nur Otan» پارتياسى سايلاۋالدى باعدارلاماسى اياسىندا پاۆلودار وبلىسىندا كەزەكتە تۇرعان 9 مىڭنان استام ادامدى تۇرعىن ۇيمەن قامتاماسىز ەتۋ ماقساتىن قويىپ وتىر. 5 جاڭا مەكتەپ جانە جۇمىس ىستەپ تۇرعان مەكتەپتەرگە 5 قوسىمشا قۇرىلىس سالۋ جوسپارلانعان. «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا 2021 جىلى الەۋمەتتىك قىزمەتتەردىڭ ءبىرىڭعاي پورتالى ەنگىزىلەدى. ول ەرەكشە قاجەتتىلىكتەرى بار ادامدارعا وزدەرىنىڭ قاجەتتىلىكتەرىن ەسكەرە وتىرىپ، ءوز بەتىنشە ونلاين رەجيمدە كومەكشى، ورنىن تولتىرۋشى قۇرالدار مەن الەۋمەتتىك قىزمەتتەردى الۋعا مۇمكىندىك بەرەدى. سولتۇستىك قازاقستان وبلىسىندا «Nur Otan» پارتياسى كولىك ينفراقۇرىلىمىن مەن تۇرعىن ۇي-كوممۋنالدىق كەشەندى جاڭعىرتۋعا، سونداي-اق قولايلى ەكولوگيالىق جاعدايدى ساقتاۋعا باعىتتالعان «قۇتتى مەكەن» جانە «اۋىل-ەل بەسىگى» جوبالارىن ىسكە اسىرۋعا جاردەمدەسەتىن بولادى. الداعى 5 جىلدا پارتيا اۆتوموبيل جولدارىنىڭ ساپاسىن كەزەڭ-كەزەڭىمەن جاقسارتۋعا قول جەتكىزەتىن بولادى. وسىلايشا، 2021 جىلى 515 كم اۆتوجول، 2022 جىلى 520 كم اۆتوجول جانە ت.س.س. جوندەلەدى. 2025 جىلعا قاراي پارتيا وڭىردەگى اۋىلدىق ەلدى مەكەندەر تۇرعىندارىنىڭ 92،8%-ىن ورتالىقتاندىرىلعان سۋمەن جابدىقتاۋ قىزمەتىنە قول جەتكىزۋىن قامتاماسىز ەتپەك. 115 مىڭ حالقى بار 142 اۋىلدا سۋمەن جابدىقتاۋ نىساندارىن سالۋ جانە قايتا جوندەۋدەن وتكىزۋ جۇمىستارى جۇرگىزىلمەك. سونىمەن قاتار، ءوڭىر جاستارىنىڭ الەۋەتىن دامىتۋ ءۇشىن پارتيالىقتار ءوز ءىسىن اشۋعا جانە بيزنەس جۇرگىزۋگە جىل سايىن كەمىندە 500 نەسيە بولۋگە قول جەتكىزەتىن بولادى. وڭىرلەردىڭ سايلاۋالدى باعدارلامالارىنىڭ جوباسىمەن تولىعىراق primaries.kz.سايتىنان تانىسۋعا بولادى.