باس پروكۋراتۋرا قورداي وقيعاسىنىڭ قاتىسۋشىلارىنا قاتىستى شىققان ۇكىمگە تۇسىنىكتەمە بەردى. بۇل تۋرالى باس پروكۋراتۋراسىنىڭ باسپا ءسوز قىزمەتى حابارلادى.

9 قىركۇيەكتە بۇقارالىق اقپارات قۇرالدارى الماتى گارنيزونى اسكەري سوتىندا قورداي اۋدانىندا بولعان جاپپاي تارتىپسىزدىكتەرگە قاتىسقان 7 ادام سوتتالدى.

الماتى گارنيزونى اسكەري سوتىنىڭ ۇكىمىمەن ۇرلىق جاساعاندارى جانە جاپپاي تارتىپسىزدىكتەرگە قاتىسقاندارى ءۇشىن اسكەري قىزمەتشى ۋ. اتانبايەۆ، سونداي-اق ا. تىلەۋعالييەۆ، ا. نۇراحانوۆ، ە. بۋرالكينوۆ، ر. بەجىباي، م. دۇيسەنبايەۆ جانە ب. يبراگيموۆ 3-تەن 9 جىلعا دەيىنگى مەرزىمگە باس بوستاندىقتارىنان ايىرۋ جازاسىنا كەسىلدى.

بۇرىن تەرگەۋ بارىسىندا ۋ. اتانبايەۆقا جانە ونىڭ سىبايلاستارىنا قاتىستى ماتەريالدار ءىستىڭ اسكەري سوتتىڭ سوتتىلىعىنا جاتقىزىلۋىنا بايلانىستى جەكە ءىس جۇرگىزۋگە بولەكتەنىپ الىنعان بولاتىن.

سونىمەن قاتار 21 شىلدەدە ارنايى پروكۋرورلار 51 ادامدى تەرگەۋدى اياقتادى.

ولارعا بيىلعى جىلدىڭ اقپان ايىندا ماسانشى، بۇلار باتىر جانە اۋقاتتى اۋىلدارىندا بولعان وقيعالار بارىسىندا كۇش قولدانۋ، كىسى ءولتىرۋ، مۇلىكتى ورتەۋ جانە قيراتۋ، جاپپاي تارتىپسىزدىكتەرگە ارانداتۋ جانە بيلىك وكىلدەرىنىڭ تالاپتارىنا باعىنباۋ بويىنشا ايىپ تاعىلدى.

قازىرگى ۋاقىتتا ايىپتالۋشىلار قىلمىستىق ءىس ماتەريالدارىمەن تانىسۋدا، سودان كەيىن ءىس سوتقا جولداناتىن بولادى.

"سونداي-اق بيىلعى جىلدىڭ ناۋرىز بەن تامىز ايلارى ارالىعىندا پوليسەيلەرگە زورلىق-زومبىلىق كورسەتكەن اعايىندى ۆوينگۋيدىڭ (18 ناۋرىزدا 1،5 جىلعا باس بوستاندىعىنان ايىرىلدى) قۇداشبايەۆتارعا قاتىستى ادامدار توبىنا دەنساۋلىققا قاساقانا ورتاشا اۋىرلىقتاعى زيان كەلتىرگەندەرى جانە بۇزاقىلىق جاساعاندارى ءۇشىن اكەلى-بالالى يۋنحۋدىڭ (24 ساۋىردە ءارقايسىسى سايكەسىنشە 2،5 جىلعا باس بوستاندىعىنان ايىرىلدى جانە شەكتەلدى) 54 دانا «مولوتوۆ» كوكتەيلىن دايىنداعانى جانە تاسىمالداعانى ءۇشىن ر. ۆەيسەردىڭ (12 تامىزدا 3 جىلعا باس بوستاندىعىنان ايىرىلدى) سوتتالعاندارىن ەسكە سالامىز" دەلىنگەن رەسمي سايت تاراتقان حابارلامادا.

بيىلعى جىلدىڭ 7 اقپانىندا قورداي اۋدانىنداعى ماسانچي اۋىلىندا قازاق پەن دۇنگەندەر اراسىندا توبەلەس بولعان.