مەردىگەر مەكەمەدەن ايلىعىن الا الماعان جۇمىسشىلار جاڭادان جاسالعان جولدى قوپارىپ تاستادى. ولار وسىلايشا جۇمىس بەرۋشىدەن كەك الماق بولعان. بۇل تۋرالى ەۆرازيا ارناسى حابارلادى. 

الەۋمەتتىك جەلىلەردە قۇرىلىسشىلاردىڭ مامىر-3 شاعىناۋدانىنداعى اسفالتتى بۇزىپ جاتقان ۆيدەوسى تاراعان. جۇمىسشىلاردىڭ نارازىلىعىنىڭ سەبەبى – تولەنبەگەن جالاقى. نارازى توپ باسشىلارى ونداعان ميلليون تەڭگەگە كولىك، ءۇي ساتىپ الىپ، سول ءۇشىن جالاقىلارىن كەشىكتىرىپ جاتقاندارىن مالىمدەگەن بولاتىن.

اكىمدىكتىڭ ايتۋىنشا، باسشىلىق ەشتەڭە ساتىپ الماعان. كەرىسىنشە، جۇمىسشىلاردى وزدەرىنىڭ مىندەتىن دۇرىس اتقارمادى دەپ كىنالاپ وتىر. 

وسى جاعدايعا قاتىستى اۋەزوۆ اۋدانىنىڭ اكىمدىگى تۇسىنىك بەردى.

– مەردىگەرلەر تاراپىنان (جالاقىعا قاتىستى) كەشىكتىرۋ بولعان جوق. جۇمىسشىلار دۇرىس توسەلمەگەن اسفالت-بەتوندى، بۇزىپ، قايتا جاساۋ كەرەك بولعان. سول سەبەپتى ولار نارازى بولىپ، باسشىلارىمەن اراسىندا جانجال تۋىندادى، –  دەدى اكىمدىك وكىلى.

اكىمدىك سونىمەن قاتار بۇزىلعان ۋچاسكە تەز ارادا قالپىنا كەلتىرىلەتىنىن ايتتى. ارىزدانعان نارازى جۇمىسشىلار جۇمىستان شىقتى.