رەسەيدە تاۋلىك ىشىندە 9412 ادامنان Covid-19 انىقتالىپ، ەپيدەميولوگيالىق احۋال مامىردىڭ سوڭىنداعى شاماعا جەتتى. بۇل 23 مامىردان كەيىن ەڭ كوپ تىركەلگەن جاعداي، دەپ حابارلادى bbcء-دىڭ ورىس قىزمەتى.

رەسەيدە 20 كۇن قاتارىنان ۆيرۋسقا جۇقتىرعانداردىڭ سانى ءوسىپ كەلەدى. ەلدە Covid-19 انىقتالعانداردىڭ جالپى سانى 1 ملن 194 مىڭ 643-كە جەتتى. ونىڭ ىشىندە 21 077 ادام قايتىس بولعان. سوڭعى تاۋلىكتە ەل بويىنشا 186 ادام كوروناۆيرۋستان ولگەن

سوڭعى تاۋلىكتە ءبىر عانا ماسكەۋدە كوروناۆيرۋستىڭ 2704 دەرەگى تىركەلدى. 

ماسكەۋ مەرى سەرگەي سوبيانين بىرەر كۇن بۇرىن 5 قازاننان باستاپ جۇمىس بەرۋشىلەر قىزمەتكەرلەرىنىڭ 30 پايىزىن قاشىقتا ىستەۋگە جىبەرۋدى مىندەتتەيتىن ۇكىم شىعارعان. ال بۇگىن قىزمەتكەرلەردىڭ جارتىسىن قاشىقتان ىستەۋگە جىبەرۋ ماسەلەسى كوتەرىلدى.

مەر ورىنباسارى ۆلاديمير ەفيموۆ دۇيسەنبىدەن باستاپ ماسكەۋدە 2 ملن ادام قاشىقتان جۇمىس ىستەۋگە كوشۋى كەرەكتىگىن ايتتى.