ەكىباستۇز قالاسىنداعى جالپى ورتا ءبىلىم بەرەتىن مەكتەپتەردىڭ ءبىرىنىڭ ديرەكتورى پارا الۋ ۇستىندە ۇستالدى. بۇل تۋرالى سىبايلاس جەمقورلىققا قارسى قىزمەت حابارلادى.
"مەكتەپ ديرەكتورىنىڭ ۇستىنەن سىبايلاس جەمقورلىق قىلمىستىق قۇقىق بۇزۋشىلىق جاساۋ كۇدىگى بويىنشا سوتقا دەيىنگى تەرگەۋ جۇرگىزىلىپ جاتىر. ول ورىس ءتىلى مەن ادەبيەتى پاندەرى بويىنشا وقۋ ساعاتتارىن بەرگەنى ءۇشىن مەكتەپ كىتاپحاناسىنىڭ مەڭگەرۋشىسىنەن زاڭسىز اقشالاي سىياقى الدى دەگەن كۇدىككە ءىلىندى، – دەدى سىبايلاس جەمقورلىققا قارسى ءىس-قيمىل اگەنتتىگىنىڭ 1-دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ ونلاين بريفينگتە.
تەرگەۋ اياقتالدى. ايىپتالۋشىنى سوتقا بەرۋ تۋرالى ماسەلەنى شەشۋ ءۇشىن ءىس ماتەريالدارى پروكۋراتۋراعا جىبەرىلدى.
پىكىر قالدىرۋ