جۇڭگو سوتى "قازاقستاندى تاۋەلسىزدىك مەرەكەسىمەن قۇتتىقتادى، جۇڭگو ۇلتىنا قارسى شىقتى" دەگەن ايىپ تاعىپ، ءۇش ەتنيكالىق قازاقتى ءومىر بويىنا باس بوستاندىعىنان ايىرعان. بۇل تۋرالى Qamshy.kz اقپارات اگەنتتىگى حابارلايدى.
الماتى قالاسىندا ادام قۇقىقتارى مەن زاڭدىلىقتى ساقتاۋ جونىندەگى قازاقستان حالىقارالىق بيۋروسىنداعى ونلاين فورماتتا وتكەن باسپا ءسوز ءماسليحاتىنا زيالى قاۋىم وكىلدەرى مەن سوتتالعان ءۇش ازاماتتىڭ جاقىندارى قاتىستى. ولاردىڭ ايتۋىنشا، بۇل – 70 جىلدان كەيىن قايتالانىپ وتىرعان اشىق گەنوسيد. سەبەبى، باس بوستاندىعىنان ايىرىلىپ وتىرعان ءۇش قازاق تا وسپان باتىردىڭ ۇرپاعى. وسىدان 70 جىل بۇرىن تۋىستارى دا، ۇرپاعى دا جازىقسىز اتىلعان باتىردىڭ سۇيەگىن الا الماعان.
جۇڭگو جۇرگىزىپ وتىرعان ساياساتتىڭ قۇربانىنا اينالعان ءۇش ازاماتتىڭ تۇرمەدە جاتقانىنا 2،5 جىل بولدى. نەگىزسىز جازا تارتىپ وتىرعان ۇشەۋدىڭ تۋىستارى حالىقارالىق ۇيىمداردان اراشا سۇراپ وتىر.
پىكىر قالدىرۋ