ءماجىلىس ءتوراعاسى نۇرلان نىعماتۋلين كوروناۆيرۋس ىندەتىنە شالدىققان مەديسينا قىزمەتكەرلەرىنە جانە پاندەميادان قايتىس بولعان دارىگەرلەردىڭ وتباسىلارىنا تولەنبەگەن وتەماقىعا قاتىستى پىكىر ءبىلدىردى.

نىعماتۋلين 22 قىركۇيەكتەگى جاعداي بويىنشا اتالعان ىندەتكە شالدىققان دارىگەرلەردىڭ جالپى سانىنىڭ 14 پايىزدان استامىنا عانا، ال قايتىس بولعان مەديسينا قىزمەتكەرلەرى وتباسىلارىنىڭ 13 پايىزىنا جەتەر-جەتپەسىنە عانا تولەم جۇرگىزىلگەنىن اتاپ ءوتتى.

ونىڭ ايتۋىنشا، مۇنداي جاعداي دەنساۋلىق ساقتاۋ جۇيەسى قىزمەتكەرلەرىنىڭ نارازىلىعىن تۋدىرىپ، مەملەكەت باسشىسىنا جانە پارلامەنت دەپۋتاتتارىنا جۇگىنۋگە ءماجبۇر ەتەدى.

ول كوروناۆيرۋس جۇقتىرعان مەديسينا قىزمەتكەرلەرى مەن قايتىس بولعان مامانداردىڭ وتباسىنا تولەماقىنىڭ تولەنبەۋى – مينيسترلىكتىڭ الەۋمەتتىك بولىمدەرىنىڭ جۇيەسىز، ويلاستىرماي ىستەلگەن قادامىنىڭ ناتيجەسى ەكەنىن اتاپ ءوتتى.  

نۇرلان نىعماتۋلين دەنساۋلىق ساقتاۋ مينيسترلىگى جاريالاعان اقپاراتتى "سانداردى ساپىرۋ" دەپ باعالادى.

اتالعان مينيسترلىك  ۇسىنعان اقپاراتقا سايكەس، ەڭبەك مينيسترلىگىنە 4 064 ءوتىنىش بەرىلگەن. سونىمەن قاتار، قىزمەت بارىسىندا 8 333 دارىگەر،  بارلىعى 12 830 مەديسينا قىزمەتكەرى كوروناۆيرۋس ينفەكسياسىن جۇقتىرعان.

ءماجىلىس ءتوراعاسى مينيستر الەكسەي سويعا جوعارىدا اتالعان 4 064 ءوتىنىشتىڭ ءوزى فراكسيا وتىرىسى بولاتىنى بەلگىلى بولعاننان كەيىن عانا جاسالىنعانىن ايتتى.

سونداي-اق كوروناۆيرۋس ينفەكسياسىنان زارداپ شەككەن جانە قايتىس بولعان مەديسينا قىزمەتكەرلەرىنىڭ كوپشىلىگى ايماقتىق كوميسسيالاردان راستاۋ الا الماعان.  

– ەگەر وتكەن 6 اي ىشىندە 2 475 ءوتىنىم بەرىلسە، سوڭعى ساناۋلى كۇندەر ىشىندە 1 589 ءوتىنىم بەرىلگەن. ياعني، بەرىلگەندەر وتىمدەر سانى 1،6 ەسەگە ارتىپ، ال وتەماقى تولەنگەن ادامدار سانى 2 ەسەگە دەيىن وسكەن. التى اي ۋاقىت ىشىندە بارلىعى 1 830 دارىگەر وتەماقىعا يە بولسا، ال سوڭعى ءبىراز كۇندە 1665 دارىگەرگە تولەماقى بەرىپ ۇلگەرگەن. قايتىس بولعان مەديسينا قىزمەتكەرلەرىنىڭ وتباسىلارىنا وتەماقى تولەۋ بويىنشا دا جاعداي وسىنداي، – دەدى نۇرلان نىعماتۋلين.