پارلامەنت سەناتىنىڭ ءتوراعاسى ماۋلەن اشىمبايەۆ پالاتا جانىنداعى جاس ساراپشىلار كلۋبىنىڭ مۇشەلەرىمەن كەزدەستى.

كەزدەسۋدى اشقان سەنات ءتوراعاسى ءىس-شاراعا قاتىسۋشىلارعا پرەزيدەنت جولداۋىن ىسكە اسىرۋعا قاتىستىەلىمىزدىڭ الدىندا تۇرعان باستى مىندەتتەردى، سونداي-اق،سەنات پەن ساراپشىلار قاۋىمداستىعى اراسىنداعى ىنتىماقتاستىقتىڭ ءوزارا ءىس-قيمىل مۇمكىندىكتەرىنتالقىلاۋدى ۇسىندى.

ماۋلەن اشىمبايەۆ ءوز سوزىندە مەملەكەتىمىز بەنقوعامىمىزدىڭ قازىرگى كەزەڭدەگى دامۋىن ايقىندايتىن ۇردىستەرگە تالداۋ جاسادى.

«سەناتتىڭ الدىندا تۇرعان نەگىزگى مىندەت – مەملەكەت باسشىسىنىڭ جولداۋىندا كورسەتىلگەن بارلىق باسىمدىقتاردى زاڭنامالىق تۇرعىدان قامتاماسىز ەتۋ. وسى جۇمىس بارىسىندا بىزگە قوعامدىق ۇيىمدار مەن ءارتۇرلى سالا ماماندارىنىڭ پىكىرىن تىڭداۋ، ولاردى ەسكەرۋ ماڭىزدى. سوندىقتان بۇگىن سەنات جانىنان جاس ساراپشىلار كلۋبىن قۇرۋدى ۇسىنامىز. سىزدەردىڭ بىلىمدەرىڭىز، كۇش-قۋاتتارىڭىز جانە تاجىريبەلەرىڭىز قازاقستاندى وزگەرتۋگە جانە پرەزيدەنتىمىزدىڭ رەفورمالارىن ىسكە اسىرۋعا تىڭ سەرپىن بەرەدى دەپ سەنەمىن»، – دەدى سەنات ءتوراعاسى.

سونىمەن قاتار ماۋلەن اشىمبايەۆ مەملەكەت باسشىسىنىڭ جاڭعىرتۋ باعدارى مەن جولداۋىن جۇزەگەاسىرۋ كەزىندە باسشىلىققا الاتىن قاعيدالاردى اتاپ ءوتتى. ءبىرىنشىسى – جۇيەلىلىك قاعيداسى.

«ءقازىر ەل دامۋىنىڭ باسقا باعىتتارىن ەسكەرۋسىز قالدىرىپ، ءبىر سالانى عانا رەفورمالاۋعا بولمايدى. مىسالى، ساياسي رەفورمالارسىز ەكونوميكالىق دامۋ بولمايدى. مەملەكەتتىك باسقارۋ جۇيەسىندە رەفورما جۇرگىزبەسە ەكونوميكادا ەلەۋلى وزگەرىستەر بولا قويمايدى. ءوز كەزەگىندە مەملەكەتتىك باسقارۋداعى ىلگەرىلەۋ ءبىلىم ساپاسىنا تىكەلەي بايلانىستى»، – دەدىماۋلەن اشىمبايەۆ.

ەكىنشىسى – ستاندارتتى ەمەس شەشىمدەر قاعيداسى. «بۇگىنگى الەم تىم كۇردەلى جانە تەز وزگەرۋدە. ول بۇرىنعى قابىلداۋلار مەن جۇيەلەۋگە ساي كەلمەيدى. سوندىقتانمەملەكەت پەن قوعامعا پروبلەمالاردى شەشۋدىڭ ستاندارتتى ەمەس تاسىلدەرى قاجەت»، – دەپ اتاپ ءوتتى سەنات ءتوراعاسى.

ءۇشىنشىسى – ماسەلەنىڭ ءمان-ماڭىزىنا زەر سالۋ.

«قازىرگى شىندىققا سايكەس كەلە بەرمەيتىن اقپاراتتار جانە قوعامدىق سانانى مانيپۋلياسيالاۋداۋىرىندە سىرتقى كورىنىستەرگە ەمەس، ىشكى مازمۇنعا نازار اۋدارا وتىرىپ، قۇبىلىستار مەن پروسەستەردىڭ ءمانىن ءتۇسىنۋ قاجەت»، – دەدى ماۋلەن اشىمبايەۆ.

كەزدەسۋ بارىسىندا كلۋب مۇشەلەرى پرەزيدەنتتىڭ«جاڭا جاعدايداعى قازاقستان: ءىس-قيمىل كەزەڭى» اتتى جولداۋىن ىسكە اسىرۋعا قاتىستى ءوز ويلارىن ايتتى.

پىكىرتالاسقا قاتىسۋشىلار مەملەكەت پەن قوعامدى ودان ءارى جاڭعىرتۋ ءۇشىن زاڭنامالىق قىزمەتتە جاس سالالىق ساراپشىلاردىڭ الەۋەتىن پايدالانۋدىڭ ماڭىزى زور ەكەنىن اتاپ ءوتتى.

زاڭگەر مۋسليم حاسانوۆتىڭ ايتۋىنشا، كەز كەلگەن زاڭناما ساراپشىلاردىڭ قاتىسۋىمەن تياناقتى ازىرلەۋدى تالاپ ەتەدى. زاڭ جوباسىن ازىرلەۋدەگى اسىعىستىق پەن ۇنەمى تۇزەتۋلەر ەنگىزۋ ادامداردى شاتاستىرادى جانە زاڭناماعا دەگەن سەنىم جوعالىپ، ماسەلەلەرىن وزگە جولدارمەن شەشۋگە داعدىلانادى. مىسال رەتىندە ول اسىعىس قابىلدانعان ەڭبەك كودەكسىن كەلتىرىپ، ناتيجەسىندە وعان بەس جىلدىڭ ىشىندە 350 وزگەرىس ەنگىزىلگەنىن ايتتى.

«بۇگىندە ەشكىمگە قۇپيا ەمەس، زاڭدى قابىلداۋدىڭ بەلگىلەنىپ قويعان مەرزىمدەرى بار جانە ازىرلەۋشىلەر زاڭدى تەز ارادا قابىلداۋعا اسىعادى. ال وزگەرىستەردى كەيىن دە ەنگىزە بەرۋگە بولادى دەپ ەسەپتەيدى. مىسالى، ەڭبەك كودەكسى وسىدان بەس جىل بۇرىن قابىلداندى جانە وسى بەس جىلدىڭ ىشىندە كودەكسكە 350 وزگەرىس ەنگىزىلدى. بۇل باستاپقى ازىرلەنگەن جوبانىڭ ساپاسىن جانە ءتيىستى تالقىلاۋلار بولماعانىن كورسەتەدى. زاڭنامانىڭ تۇراقسىزدىعى حالىقتىڭ وعان دەگەن سەنىمىن جانە زاڭعا دەگەن قۇرمەتىن تومەندەتەدى»، – دەدى مۋسليم حاسانوۆ.

جاس ساراپشىلار كلۋبىنىڭ قۇرامىندا مەملەكەتتىك باسقارۋ، ەكونوميكا، قارجى، الەۋمەتتىك قولداۋ، سوت-قۇقىقتىق رەفورما، ءبىلىم بەرۋ، دەنساۋلىق ساقتاۋ جانە سيفرلاندىرۋ سالالارى بويىنشا 30-دان استام مامان بار. كلۋبتىڭ الداعى وتىرىستارى وزەكتى قوعامدىق-ساياسي، ەكونوميكالىق جانە الەۋمەتتىك ماسەلەلەرگە ارنالادى.