«Nur Otan» پارتياسىنىڭ پرايمەريزىن وتكىزۋ قاعيدالارىنا سايكەس، داۋىس بەرۋ كۇنى ورتالىق ۇيىمداستىرۋ كوميتەتى بەكىتەتىن رەسپۋبليكالىق كۇنتىزبەلىك جوسپاردا ايقىندالادى. داۋىس بەرۋدىڭ بەلگىلەنگەن مەرزىمى –2020 جىلعى 3 قازانكۇنگى ساعات 14.00-گە دەيىن.
2 قازان ساعات 17.00-دەگى جاعداي بويىنشا پرايمەريزدە 446 297 سايلاۋشى نەمەسە جۇيەدە تىركەلگەن پارتيا مۇشەلەرىنىڭ 57%ء-تى داۋىس بەردى.
پارتيالىقتار مەن جالپى جۇرتشىلىقتىڭ پارتياىشىلىك سايلاۋعا جوعارى قىزىعۋشىلىعى ءبىر مەزگىلدەگى سايتقا جۇگىنۋ سانىن ەداۋىر ارتتىردى (100 مىڭ جانە ودان دا كوپ)، سونىڭ سالدارىنان داۋىس بەرۋدىڭ العاشقى ساعاتتارىندا سايتقا قولجەتىمدىلىك پەن تىركەلۋ بويىنشا ۋاقىتشا قيىندىقتار تۋىنداي باستادى.
اقپاراتتىق جۇيەگە تۇسكەن تەحنيكالىق جۇكتەمەلەرءدىڭ سالدارىنان پارتيانىڭ كوپتەگەن مۇشەلەرى داۋىس بەرە المادى. قوعامدىق قابىلداۋدىڭ كولل-ورتالىقتارىنا 1،5 مىڭنان استام قوڭىراۋ كەلىپ ءتۇسكەن. ونىڭ ىشىندە 828ء-ى داۋىس بەرۋ كەزىندەگى تەحنيكالىق قيىندىقتار ماسەلەلەرى بويىنشا.
سونداي-اق، الەۋمەتتىك جەلىلەر ارقىلى پارتيانىڭ ۇيىمداستىرۋ كوميتەتتەرىنە پارتيالىقتار مەن كانديداتتار تاراپىنان داۋىس بەرۋ مەرزىمىن ۇزارتۋ تۋرالى وتىنىشتەرى كەلىپ ءتۇستى. ءوتىنىشتەردە داۋىس بەرۋ جۇمىس كۇندەرى ءوتءىپ جاتقاندىقتان تاڭداۋ جاساۋعا ۋاقىتتىڭ جەتىسپەۋى اتاپ وتىلۋدە.
سونىمەن قاتار، ەرتەڭ، 3 قازاندا، ساعات 08.00-دەن 14.00-گە دەيىن سايلاۋ ۋچاسكەلەرى جۇمىس ىستەيدى. ءوز كانديداتىنا داۋىس بەرە الماعان ازاماتتار جاپپاي ۋچاسكەلەرگە كەلۋءقاۋپى بار. پاندەميا جاعدايىندا بۇل كوروناۆيرۋس ينفەكسياسىن جۇقتىرۋعا اكەلۋى مۇمكىن.
جوعارىدا باياندالعاندى ەسكەرە وتىرىپ، ورتالىق ۇيىمداستىرۋ كوميتەتىنىڭ حاتتامالىق شەشىمىمەن رەسپۋبليكالىق كۇنتىزبەلىك جوسپارعا وزگەرىستەر ەنگىزىلدى. وسىلايشا، ۆەب-سايت جانە ءموبيلدى قوسىمشا ارقىلى ونلاين داۋىس بەرۋ مەرزىمىن تۋرا ءبىر تاۋلىككە، 2020 جىلعى 4 قازان كۇنگى ساعات 14.00-گە دەيىن ۇزارتۋ تۋرالى شەشىم قابىلداندى.
بۇل رەتتە، ۇگىت-ناسيحات جۇمىستارى سەنبى، ياعني 3 قازان كۇنگى 14.00-دە سايلاۋ ۋچاسكەلەرىنىڭ جابىلۋىمەن ءبىر مەزگىلدە اياقتالاتىنىن اتاپ ءوتۋ قاجەت.
پىكىر قالدىرۋ