كوروناۆيرۋس جۇقتىرعان اقش پرەزيدەنتى دونالد ترامپتىڭ جاعدايى ناشارلاپ، ورگانيزمىندە جوتەل مەن قىزۋ بەلگىلەرى پايدا بولعان، دەپ حابارلادى Vanity Fair باسىلىمى.
ماقالا اۆتورىنىڭ ايتۋىنشا، بۇل اقپاراتتى وعان "اق ۇيمەن تىعىز بايلانىستا" جۇرگەن ەكى رەسپۋبليكاشىل حابارلاعان.
"مەلانياعا كەلەتىن بولساق، ونىڭ بويىندا اۋرۋ بەلگىلەرى جوق دەيدى" دەپ جازدى جۋرناليست ءوز ماقالاسىندا.
رەسپۋبليكالىق پارتيا مۇشەلەرىنىڭ ءبىرى مويىنداعانداي، پرەزيدەنت اكىمشىلىگى 74 جاستاعى ترامپتىڭ دەنساۋلىعىنا الاڭداۋلى.
ەسكە سالساق، 2 قازان كۇنى تاڭەرتەڭ امەريكالىق كوشباسشى ءوزىنىڭ ايەلى مەلانيا ەكەۋى COVID-19 اۋرۋىن جۇقتىرعانى حابارلانعان ەدى.
قازاقستان پرەزيدەنتى قاسىم-جومارت توقايەۆ ترامپ پەن ايەلىنە كوروناۆيرۋستان ساۋىعىپ كەتۋىن تىلەدى.
پىكىر قالدىرۋ