قاراعاندى وبلىسى ساتبايەۆ قالاسىندا 5 جاسار قىزدى زورلادى دەپ ايىپتالعان 62 جاستاعى پەدوفيل تەرگەۋ يزولياتورىنىڭ كامەراسىنان اسىلعان كۇيى تابىلدى.
"نە مولچي" قورىنىڭ فەيسبۋكتەگى جازباسىندا ونىڭ دەنەسىن كەزەكشى تاۋىپ العانى جانە ەشقانداي جاراقاتتىڭ جوعى جازىلعان.
بۇعان دەيىن، 23 شىلدە كۇنى ساتبايەۆ قالاسىندا 5 جاسار بالا جوعالىپ كەتىپ، كەيىننەن قىز كوپقاباتتى ۇيدەگى باسقا بىرەۋدىڭ پاتەرىنەن تابىلعان بولاتىن. ۇستالعان ادام قىزعا زورلىق كورسەتتى دەپ كۇدىككە الىنعان.
قالا تۇرعىندارى كۇدىكتىنە وزدەرىنشە جازالاعىسى كەلىپ، ىشكى ىستەر بولىمىنەن كۇلدىكتىنى قولدارىنا بەرۋدى تالاپ ەتىپ، ارادا جانجال شىققان. الايدا پوليسيا قىزمەتكەرلەرى كۇدىكتىنى قاماۋعا اكەتتى. ايىپتالۋشىنىڭ جۇمىسسىز ەكەنى، قىلمىس كەزىندە ماس كۇيدە بولعانى بەلگىلى بولدى. كۇدىكتىنىڭ جاسى 62-دە بولعان.
