رەسەي پرەزيدەنتى ۆلاديمير پۋتين قىرعىزستانداعى داعدارىستىق جاعداي بەيبىت جولمەن شەشىلىپ، ىشكى ساياسي جاعدايلاردىڭ بارلىعى ەش شىعىنسىز اياقتالادى دەپ ۇمىتتەنەدى. بۇل تۋرالى تاسس اقپارات اگەنتتىگى حابارلادى.
ۆ.پۋتين "روسسيا-24" تەلەارناسىنىڭ ءجۋرناليسى پاۆەل زارۋبينگە بەرگەن سۇحباتىندا قىرعىزستانداعى بارلىق تاراپپەن تىعىز بايلانىستا ەكەنىن باسا ايتتى.
– بولعان جاعداي ءبىزدى الاڭداتپاي قويمايدى. ءبىز ءبارى تىنىش بولادى دەپ ۇمىتتەنەمىز. قالىپتى ساياسي ۇدەرىس قالپىنا كەلەدى. ءبىز بارلىق قاتىسۋشىلارمەن، وسى جانجالدىڭ بارلىق تاراپتارىمەن بايلانىستامىز. جاعداي قالىپقا كەلگەننەن كەيىن ءبىز قىرعىزستان ەۋرازيالىق ەكونوميكالىق وداقتىڭ مۇشەسى ەكەنىن ەسكەرە وتىرىپ، بارلىق جوسپارلارىمىزدى قىرعىزستانمەن جۇزەگە اسىرا بەرەمىز. ءبىز بۇگىن كورىپ وتىرعان بارلىق ىشكى ساياسي پروسەستەر ەش شىعىنسىز تەز اياقتالادى جانە اياقتالادى دەپ ۇمىتتەنەمىز، – دەدى پۋتين.
پىكىر قالدىرۋ