قازاقستان ەكونوميكالىق بەلسەندىلىكتىڭ قۇلدىراۋىنا جول بەرگەن جوق. بۇل تۋرالى پرەزيدەنت قاسىم-جومارت توقايەۆ كوروناۆيرۋس ىندەتىنىڭ ەكىنشى كەزەڭىنە دايىندىق ماسەلەلەرى بويىنشا كەڭەستە ايتتى.
مەملەكەت باسشىسى قازاقستاننىڭ وزگە ەلدەر سەكىلدى داعدارىس كەزەڭىن وتكەرىپ جاتقانىن ايتتى.
– ءبىز ەكونوميكالىق بەلسەندىلىكتى قۇلتىراتىپ الۋدان ساقتاپ قالدىق. بۇل جەردە ۇكىمەتتىڭ جۇمىستى جاقسى ىستەگەنىن اتاپ وتكەن ءجون. ۇكىمەت بيزنەستى ىقتالاندىرۋ بويىنشا شارالار قابىلداپ، الەۋمەتتىك وسال توپقا كومەكتەسە ءبىلدى. بىرەر كۇن بۇرىن دۇنيەجۇزىلىك بانك نەگىزگى كورسەتكىشتەر بويىنشا قازاقستاننىڭ الەۋمەتتىك-ەكونوميكالىق دامۋىنا جوعارى باعا بەردى. الايدا پاندەميانىڭ ەكىنشى تولقىنى بىزگە جاڭا مىندەتتەردى جۇكتەيدى. ۇكىمەت داعدارىسقا قارسى شارالاردى كەلەر جىلى دا جالعاستىرۋ ءۇشىن قاجەتتى شارالار مەن ءتيىستى رەسۋرستاردى قازىردەن جاساۋعا ءتيىس، – دەدى پرەزيدەنت.
توقايەۆ الەۋمەتتىك-ەكونوميكالىق احۋال مەن كوروناۆيرۋس ينفەكسياسىنىڭ جاڭا تولقىنى ناشارلايتىن بولسا، جەدەل ارەكەت ەتەتىن كەشەندى جوسپار دايىندالعانىن اتاپ ءوتتى.
– الايدا بۇگىنگى جاعداي، اتاپ ايتقاندا رەسەيگە ساكسيالىق قىسىمنىڭ كۇشەيۋى، كاۆكاز ەلدەرى جاقتاعى سيتۋاسيانىڭ شيەلەنىسۋى مەن وزگە دە سىرتقى فاكتورلار ءبىزدىڭ انتيكريزيستىك جوسپارىمىز بەن بولجامىمىزدى قايتا پىسىقتاۋدى قاجەت ەتەدى. سوندىقتان ۇكىمەت ۇلتتىق بانكپەن بىرلەسىپ، قازاننىڭ سوڭىنا دەيىن جوسپاردىڭ ومىرشەڭدىگىن ارتتىرىپ، پرەزيدەنت اكىمشىلىگى كەلىسىمىنە وتكىزۋى كەرەك، – دەدى پرەزيدەنت.
پىكىر قالدىرۋ