الماتى تۇرعىندارىنىڭ قالا ومىرىنە، ونىڭ دامۋى مەن كوركەيۋىنە تىكەلەي ارالاسۋعا جول اشقان "بيۋدجەتكە قاتىسۋ" جوباسىنىڭ ەكىنشى كەزەڭىنە ءوتىنىم بەرۋ باستالدى. جوبانىڭ ەكىنشى كەزەڭى اياسىندا 28 تامىز بەن 5 قازان ارالىعىندا قالا بويىنشا 428 جوبالىق ۇسىنىس كەلىپ تۇسكەن. سونىڭ ءبىرشاماسى ناۋرىزباي اۋدانىنا تيەسىلى.

ناۋرىزباي اۋدانىندا جوبانىڭ العاشقى كەزەڭىندە تۇرعىندار تاراپىنان 32 ۇسىنىس ءتۇسىپ، ونىڭ 7-ەۋى قابىلدانىپ، جۇزەگە اسىپ ۇلگەردى. اتاپ ايتقاندا، ءاشىموۆ كوشەسى-13 ءۇي اۋلاسىندا باسكەتبول الاڭىن سالۋ، نۇرمۇحامەدوۆ كوشەسىندەگى ساياباقتى جوندەۋ، ۆوركاۋت جانە باسكەتبول الاڭىن قۇرۋ، اباي ساياجايىندا، دوسمۇحامەدوۆ كوشەسىندە ۆوركاۋت الاڭدارىن سالۋ، اقتامبەردى جىراۋ، كەڭەسبايەۆ كوشەلەرىندە بالالار الاڭى مەن سكەيت، ۆوركاۋت الاڭدارىن قويۋ سەكىلدى جوبالار ۇسىنىلىپ، اتالعان ۇسىنىستار بۇگىندە اۋدان تۇرعىندارىنىڭ يگىلىگىنە قىزمەت ەتىپ جاتىر.

مۇنداي وڭ باستاما مۇنىمەن توقتاپ قالماي، كەلەر جىلى دا جالعاسىن تاپپاق.

وسىعان بايلانىستى ناۋرىزباي اۋدانىنىڭ اكىمدىگى تۇرعىنداردان "بيۋدجەتكە قاتىسۋ" باعدارلاماسىنا بەلسەندى قاتىسىپ، جوبالاردى budget.open-almaty.kz سايتىنا ۇسىنۋعا شاقىرادى.

ەكىنشى كەزەڭ شارتتارىنا سايكەس جوبالىق ۇسىنىستار 20 قازانعا دەيىن قابىلدانادى.