بۇرىنعى كۇيەۋى 1،5 جىلدان كەيىن كەلىپ ايەلىن بالتامەن سوققىنىڭ استىنا العان. بۇل وقيعا تۋرالى "نە مولچي" قوعامدىق ۇيىمى ءوزىنىڭ Facebook پاراقشاسىندا جاريالادى.

وقيعا 8-قازان كۇنى بولعان. تۇسكى 3-تەر شاماسىندا كاتيا ەسىمدى جابىرلەنۋشىنى ازاماتتىق نەكەدە بولعان كۇيەۋى ماس كۇيىندە ۇيىنە ىزدەپ كەلگەن. كەلىنشەكتىڭ ءدارىحاناعا كەتكەنىن ەستىگەن قىلمىسكەر ەسىك الدىندا تىعىلىپ كۇتىپ تۇرعان.

بۇل جاعدايدىڭ بارلىعىنان حاباردار بولىپ وتىرعان قۇربىسى دەرەۋ كاتياعا حابارلاسىپ، ەسكەرتكەن. ءسويتىپ اناسى كەلگەنشە ۇيدە بالالارىنا قارايلاسىپ وتىرىپتى. كوزدى اشىپ-جۇمعانشا ەسىك الدىنان قۇربىسىنىڭ داۋىسىن ەستىگەن ول پوليسيا قىزمەتكەرلەرىن شاقىرىپ، اراشا تۇسپەك بولعان.  پوليسيا شاقىرعانىن ەستىگەندە بۇرىنعى كۇيەۋى  بىردەن بوي تاسالادى. 

جابىرلەنۋشىنىڭ ايتۋىنشا، مۇنداي جاعداي ءبىرىنشى رەت بولىپ وتىرعان جوق. ايىرىلىسىپ كەتسە دە، ەر ادام كاتيانىڭ سوڭىنان قالمايتىن كورىنەدى. ۋچاسكەلىك ينسپەكتورعا   5 رەت ارىز جازعان، ءبىراق ەش ناتيجە بولماعان.

"نە مولچي" قوعامدىق قورى شىمكەنت قالاسىنىڭ پوليسيا دەپارتامەنتىنە ارىز جازعان. ىسپەن پوليسيا اينالىسىپ جاتىر.